Авиосообраќајот во скопскиот аеродром на првиот ден од Новата година, се одвива нормално.

Според информациите од веб страницата на аеродромот, утринава на скопскиот аеродром, реализирани се сите полетувања меѓу кои за Гетеборг, Лондон и Ларнака, а слетале авиони од Копенхаген, Франкфурт, Берлин, Доха и Ларнака.

Нокеска илјадници граѓани ја дочекаа Новата година на плоштадите, без поголеми инциденти.

Во организација на Град Скопје, над 60 000 граѓани од земјава и од странство ја дочекаа Новата 2020 година во главниот град на плоштадот „Македонија“ со спектакуларно шоу со најголемите хитови на големата музичка ѕвезда, Дино Мерлин.

Добрата атмосфера со пеењето на познатите хитови на новогодишната ноќ, дополнително ја крена повеќе минутниот огномет со кои се означи почетокот на новата година.

Граѓаните си посакаа многу среќа, добро здравје и успеси во Новата 2020 година.