Автопатот пред влезот на Охрид ќе биде затворен во наредните 45 дена

„Поради реконструкција на коловозот, сообраќајот на патниот правец Подмоље-Охрид на магистралниот пат А3, од вчера е пренасочен преку регионалниот пат Р-1208“, потврди АМСМ и додаде дека е поставена соодветна сигнализација.

Фото/Текст извор: ©магазин.мк

Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023 г., а на местото ќе биде поставена соодветна сообраќајна сигнализација.

Поради реконструкција на автопатот, влезот во Охрид ќе биде затворен во наредните 45 дена и во градот ќе се влегува преку стариот пат.

Засега единствената реакција е од градоначалникот на Охрид, Кирил Пецаков, кој вели дека стариот пат нема капацитет да прими толкава голема бројка на возила и хаосот кој ќе се создавате е неминовен.

Тој ја повика власта да ја промени одлуката и да ја одложи по завршувањето на сезоната.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.