Општинската админинистрација е подготвена за првите инвестиции од цела кичевската дијаспора кои ќе се реализираат напролет, рече градоначалникот Фатмир Дехари.

Актуелниот градоначалник Фатмир Дехари во интервју за локална телевизија ги информира жителите на Кичево, дека е при крај подготовката за да почне со работа фабриката за производство на палети во индустриската зоната во Иванидол  а во моментот се монтираат модерни машини кои се носат дел по дел од Швајцарија) од бизнисменот Агим Елези, по потекло од село Гарани, кој работи во Швајцарија.

Тој рече дека во овој регион се подготвува да се гради модерна приватна болница со најмодерна опрема од бизнисмен Албанец кој работи во Америка.

Како што изјави градоначалникот се работи за инвестиции од кичевчани кои се успешни бизнисмени во Западна Европа и Америка. 

Се подготвува и теренот за почнување со градба на новата фабрика за преработка и флаширање вода, како и производство на безалкохолни пијалаци од бизнисменот Мефаил Ибиши кој исто така работи во Швајцарија, но е со потекло од Гарани.

-Оваа локација се наоѓа над стадионот на „Влазерими”, од левата страна на брегот на Зајашка река. Во овој регион се подготвува и се гради нова модерна приватна болница со модерна опрема од кичевски бизнисмен кој работи во САД Идриз Шабани.

Во село Премка се гради модерна живинарска фарма или поточно ќе се прошири бидеќи со помал капацитет и до сега работеше, а е инвестиција на Бурим Ахмети, повратник од Австрија во родното село Премка. Овие инвестиции може да се рече се завршена работа и кога ќе стартуваат ќе се знае колку луѓе ќе вработат, изјави градоначалникот Фатмир Дехари.