Ало? ВМРО-ДПМНЕ, решението за се е во ваши раце! Не дозволувајте да го манипулираат македонскиот народ

ФБ статут на Роберт Милески: После она црно Груево владеење од 11 години, најмалку што му должите на овој народ е да застанете комплетно на негова страна.

Фото/Текст извор: ©Магазин.мк

Ако Заев почне да прави вакви маалски финти и манипулации со референдумското прашање оти му е ЈАСНО дека македонскиот народ НИКОГАШ нема да гласа за сопствено самоукинување, тогаш ВМРО-ДПМНЕ и другите опозициски партии треба ВЕДНАШ уште денес да кажат дека не ја прифаќаат ова луда игра и нема да учествуваат НА НИКАКОВ РЕФЕРЕНДУМ, без разлика на прашањето, ниту потоа ќе ПРИФАТАТ да прават измени за кои на Заев му се потребни 2/3, оти без нив е ВО АУТ.

Ало? ВМРО-ДПМНЕ, решението за се е во ваши раце! Не дозволувајте да го манипулираат македонскиот народ на овој подол и злобен начин! После она црно Груево владеење од 11 години, најмалку што му должите на овој народ е да застанете комплетно на негова страна.

Па да го видам после »манипулантов« какво прашање ќе смисли.

Пет дена имаат работено на оваа Еурека дека демек со глупи финти и негативни прашања ќе го изиграат институтот референдум. Ајт таму!

Роберт Милески не престанува да ги повикува некогашните негови пријатели на Фејсбуук:

Знаеш Зоки (и ти другиот до него), вистината е една и единствена и колку да ја извртуваш и манипулираш со неа. Сега можеби си во филм на надмоќност со сите тие хушкачи околу тебе, сите Преторијанци тука и по медиуми, кутрите тралалајски интелектуалци кои си зедоа за право да ја извртуваат вистината, историската вистина, да го лажат македонскиот народ онака како што им е кажано од центарот на моќ. Без трунка совест и сомнеж, туку напротив, со нескротлива самодоверба, карактеристична за малограѓанските квази интелектуалци.

Ама Зоки, да те потсетам на Цезаровата преторијанска гарда, која што тивко шепоти додека парадата гордо чекори по авенијата:

“Запомни Цезаре и ова ќе помине, вистината ќе остане”.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.