После подолго време Анкетна Комисија во Собрание

Објавил: Узунов Бобан | 17 септември, 2019 14:50

Анкетна Комисија во Собрание ќе испитува како Катица Јанева ги трошела нашите пари !

Фото/Текст извор: ©магазин

Антонио Милошоски, пратеник од ВМРО – ППМНЕ денеска на прес конференција обзнани дека пратениците од неговата партија доставиле предлог одлука до Собранието да се формира Анкетна комисија за работењето на СЈО.

– Токму Собранието на предлог на Советот на јавни обвинители констатираше дека специјалниот обвинител Катица Јанева работела нестручно, незаконски и несовесно и сакаме во име на граѓаните како даночни обврзници кои одвоиле околу 15 милиони евра за работењето на досегашно СЈО да ги утврдиме фактите на кој  начин биле трошени средствата и на кој начин се постапувало по одредени други процедури внатре во самото СЈО – рече Милошоски.

Анкетната комисија, објасни тој, би се состоела од претседател и 10 членови, а дека како иницијатори согласно собраниската пракса, ВМРО – ДПМНЕ да номинира претседател на оваа Анкетна комисија, а сите други политички партии согласно нивното присуство во Собранието да делегираат членови.

Анкетната комисија не би се занимавала со било какви обвинителски или судски предмети бидејќи не сака ниту може да биде обвинител, ниту судија, но би го утврдувала начинот на материјално и финансиско работење на обвинителството, почитување на постоечките законски процедури и деловодници внатре во самото обвинителство. Законитост на постапките при вработување во самото обвинителство, утврдување на можни конфликтни интереси или непотизам при вработување како и трошењето на средствата по однос на сомнителни хонорари. Сметаме дека имало голем дел на такви договори и исплатени хонорари кои што според нас немаат законска основа – појасни Милошоски.

 

Тој напомена дека како придружни членови или набљудувачи, би биле поканети и претставници на шведската, американската  и  холандската амбасада бидејќи овие три држави имаа значителен финансиски учинок и влог во буџетот на СЈО од даночните обврзници на нивните земји. Сметаме, додаде Милошоски, дека би имале право да имаат увид во тоа како биле потрошени или како се располагало со средствата на нивните даночни обврзници во рамките на работата на СЈО.

– Очекуваме по однос на оваа предлог одлука за Анкетна комисија во најскоро можно време да се изјаснат и останатите политички партии, особено колегите од владејачкото мнозинство кој што заедно со сите други пратеници ја испочитуваа одлуката на Советот на јавни обвинители за незаконско нестручно и несовесно работење на специјалната обвинителка Катица Јанева која што беше најбитната фигура во оваа институција. Тоа е доволна основа да имаме мотив да го провериме работењето на СЈО во деловите кои што ги спомнав – рече Милошоски.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Тој се заблагодари на полициските службеници и на сите вработени во Министерството за внатрешни работи за професионалниот и одговорниот пристап во обезбедување на здравствената сигурност на граѓаните.

ЧУЛЕВ: Благодарност до граѓаните за високото ниво на одговорност и свесност кои ги покажаа во изминатиот период!

Владата на денешната седница донесе одлука со која oд утре целосно престанува да важи...

Сите лица во државен карантин може да направат тест и да бидат упатени во домашна самоизолација, вели Спасовски!

Кафулињата се отвораат во четврток: Укинат полицискиот час, од утре нема рестрикции на движењето!

Премиерот Оливер Спасовски на вечерашната прес конференција соопшти дека Владата...