Вечерва од 21 часот, во МОБ, во рамките на фестивалот „Скопско лето 2018“, ќе се одржи премиера на современиот балетски перформанс „Метаморфоза“.

Концепт и кореографијата ги направи Ивана Коцевска, а музиката е на Филип Глас и на Иван Пенов. Клавир ќе свири Дино Имери. Костимографијата ја изработи Милена Атанасова.

Како танчари ќе настапат: Илијана Данаилов, Христина Наќевска, Ангела Велевска, Ивана Димковска, Меланија Гоцевска, Медина Јусуфович, Виолета Карајанова, Мартина Димовска, Исидора Краљевска, Мирослав Митрашиновиќ, Ендру Кук, Бојан Мицев, Ивана Коцевска, Теодора Ежовска. Настанот е во продукција на Дирекцијата за култура и уметност на Скопје.