Едниот документ најверојатно е протокол, а вториот, како што пишува БГНЕС, е за „таканаречениот македонски јазик што значи и негово фактичко признавање”. Во документот било напишано дека Бугарија и Северна Македонија ќе имаат еднострани изјави за македонскиот јазик.

Објавил: Сара Фемина | 17 јуни, 2022 17:41

БГНЕС: Петков дозволува Македонија да почне преговори со ЕУ, без бугарските услови во предлог-заклучоците

Фото/Текст извор: ©мкд

Европскиот совет изготвил документ кој што ја содржи преговарачката рамка за Македонија, како и декларација за одржување на првата Меѓувладина конференција со Скопје, објави БГНЕС. Агенцијата тврди дека имала увид во документот во кој наводно нема ништо од досегашната бугарска позиција за почеток на преговорите.

Како што пишува во објавениот текст, единствено е содржан условот кој што не е дел од Рамковната позиција, а се појави лани и се однесува на вклучување на Бугарите во македонскиот Устав. „Сите останати услови, особено оние поврзани со заедничката историја, со говорот на омраза во учебниците и во медиумите, потоа рехабилитација на жртвите на комунистичкиот режим заради нивното бугарско самоопределување воопшто не фигурираат во предложените заклучоци”, пишува во текстот во кој се додава дека не се предвидува вклучување на бугарските барања во преговарачката рамка што значи дека нема никакви гаранции за исполнување на обврските од страна на Скопје. 

Исто така, наводно има два дополнителни документа чија содржива во моментот е неизвесна. Едниот документ најверојатно е протокол, а вториот, како што пишува БГНЕС, е за „таканаречениот македонски јазик што значи и негово фактичко признавање”. Во документот било напишано дека Бугарија и Северна Македонија ќе имаат еднострани изјави за македонскиот јазик. 

БГНЕС го објавува целосниот тест на нацрт-заклучокот на Советот на ЕУ за почеток на преговорите со Северна Македонија:

1.Потсетувајќи се на своите заклучоци од 14 декември 2021 година, Советот ја поздравува континуираната определба на Северна Македонија да продолжи со реформската агенда на ЕУ и да постигне опипливи и одржливи резултати, што го отвори патот за одлуката за отворање на пристапните преговори во март 2020 година. 

2. На патот на Северна Македонија кон членство во Европската Унија, Советот потсетува на важноста од постигнување опипливи резултати и спроведување на билатералните договори, вклучително и Договорот од Преспа со Грција и Договорот за пријателство, добрососедство и соработка со Бугарија.

3. Во врска со тоа, Советот го поздравува договорот за (билатерален протокол) (конечното име да се потврди) за спроведување на Договорот меѓу Бугарија и Северна Македонија. Овој важен чекор ќе придонесе за добрососедски односи и регионална соработка, кои остануваат суштински елементи на процесот на проширување, како и на процесот на стабилизација и асоцијација.

4. Исто така, ќе говозможи да зајакнат правата на лицата кои припаѓаат на малцинствата и заедниците во северна Македонија и, како такви, ќе придонесе за почитување на политичките критериуми од Копенхаген. Во таа насока, Советот ја поздравува намерата на Северна Македонија да започне соодветни уставни промени со цел во преамбулата на Уставот да се вклучат граѓани кои живеат во државата и се дел од други народи, како на пример Бугарите.

5. Земајќи го целосно предвид овој напредок и континуираното усогласување со барањата во сите области идентификувани од Советот во јуни 2018 година, Советот одлучи да ја одобри Преговарачката рамка и да одржи, во согласност со подобрената методологија, политичка меѓувладина конференција со Северна Македонија на 23 јуни 2022 година во Брисел на ниво на шеф на држава или влада за да ги претстави следните чекори во процесот на проширување по усвојувањето на Преговарачката рамка

6. Советот, исто така, одлучува да свика нова Меѓувладина конференција за отворање на преговорите за пристапување на Северна Македонија во ЕУ и е подготвен да ја одржи без натамошно одлагање и без дополнителни политички одлуки, штом Северна Македонија ја исполни својата обврска за да ги склучи горенаведените уставни измени согласно своите внатрешни процедури.

7. Во овој контекст, Советот забележува дека Комисијата постигна напредок во спроведувањето и завршувањето на процесот на аналитички преглед на правото на ЕУ (аки) и е подготвена да ги претстави резултатите на Северна Македонија во догледно време. Врз основа на ова, Советот ја повикува Комисијата да продолжи да ја оценува состојбата на подготовките на Северна Македонија за почеток на преговорите во одредени области и да ги идентификува најверојатните прашања што ќе се појават во текот на преговорите, почнувајќи од кластерот Основи, кој со прво ќе се отвори преговарачката рамка, откако северна Македонија ќе ги исполни релевантните критериуми договорени од Советот.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Ескалираше ситуацијата на протестот против бугарскиот предлог кој се одвива трет ден по ред пред Владата.

Граѓани кои излегоа да го изразат својот револт ја пробија заштитната ограда и со предмети фрлаат кон Влдата.

Ламбе го запали францускиот предлог: Ако мојата дијагноза е пироман, вашата е предавничка

Ако мојата дијагноза е пироман, вашата дијагноза е предавничка, кажа пејачот Ламбе...

Владата попладнево го објави на македонски јазик предлогот на француското претседателство за надминување на спорот со Бугарија и почеток на преговорите со ЕУ.

Владата го објави францускиот предлог на македонски јазик

Верзијата на англиски јазик, пак, беше објавена во петокот (1 јули), а оттогаш започнаа...

Нека го тргнат ова, нека ги тргнат овие 4 точки. Да биде европски патот, исто како за Албанија, Србија, Црна Гора, Хрватска, Бугарија кога стануваа членки. Не го тргнат ова, нека ги остават Копенхагеншките критериуми и нека ни ги остават критериумите кои се поврзани со процесот за стабилизација и асоцијација. Чуму потребата овој мал народ да се асимилира, кому му сметаме ние?

Мицкоски: Продолжуваме со протестите додека не се тргнат деловите од предлогот кои го асимилираат македонскиот народ

Имавме речиси едночасовна средба со премиерот Ковачевски. Средбата би рекол беше од...