Американскиот производител на лекови „Фајзер“ се пожалил на кршење на доверливоста откако еден политичар во Белгија ја објави цената на дозата вакцина против ковид-19 што ја нарача земјата, пишува белгискиот весник.

Белгискиот државен секретар Ева де Блекер на Твитер објави шема со бројот на дози и цената на секоја доза од секоја вакцина, после 30-часовната расправа за белгискиот буџет во парламентот, пренесува Ројтерс.

После тоа таа го избриша својот твит.

Фајзер и неговиот германски партнер Бионтек, чија вакцина ковид-19 е прва одобрена од западните регулатори, се меѓу добавувачите во ЕУ, вклучително и Белгија.

Елизабет Шрепен, портпарол на американскиот производител на лекови за земјите од Бенелукс, за белгискиот весник „Соар“ изјави дека објавувањето на деталите претставува кршење на доверливоста.

Овие цени се опфатени со клаузулата за доверливост во договорот со Европската комисија“, рече Сспренова. Белгиската цена не влијае на неповратните исплати од стотици милиони евра што ЕУ им ги даде на многу производители на вакцини со цел да им се обезбедат дози, изјави претставник на ЕУ за Ројтерс.

Владите на ЕУ го плаќаат остатокот кога ќе ги добијат своите дози.