Блокирањето на буџетот, додаде, ќе значи само финансиска нестабилност и тоа не е во интерес на ниту една политичка партија, ниту на граѓаните.

Објавил: Рејхан Бајрами | 17 ноември, 2021 7:18

Бесими: Бегањето од одговорност не е мој стил

Фото/Текст извор: ©магазин

Министерот за финансии Фатмир Бесими очекува до средината на декември да се гласа буџетот за наредната година, но не може да предвиди дали прво ќе биде донесен буџетот или ќе се изгласа нова реконструирана Влада.

Има конструктивна дискусија за Предлог буџетот за 2022 година за чие донесување има утврдени законски рокови. Не можам да предвидам што попрво ќе се случи, дали носењето на буџетот или изгласувањето на новата реконструирана Влада. Но, доколку продолжи дебатата каква што е во првите два дена, се очекува во првата половина на декември буџетот да се гласа. Мислам дека сите се свесни од аспект на значењето на донесувањето на буџетот. Има конструктивни дискусии иако има и разлики, но мислам дека има разбирање за носење на овој буџет од сите политички партии во Собранието и барем засега не гледам такво сценарио да се блокира буџетот, рече Бесими во емисијата 24 Анализа.

Блокирањето на буџетот, додаде, ќе значи само финансиска нестабилност и тоа не е во интерес на ниту една политичка партија, ниту на граѓаните.

Во интерес на граѓаните е политичката стабилност и предвидливоста особено што се наоѓаме во период кога покрај пандемијата, која се уште не стивнува, имаме и енергетска криза која се очекува да стивнува во првата половина на наредната година, истакна Бесими.

Прашан дали ќе прифати доколку му биде понудено да биде министер за финансии и во новата реконструирана Влада, Бесими рече дека бегањето од одговорност не е негов стил.

Тоа е голем предизвик, а јас не бегам од предизвиците во период кога има пандемија и се соочуваме со сите овие работи, а и има веќе најавени проекти за инвестиции и забрзан економски раст, како и за справување со економската криза. Бегање од одговорност не е мој стил на пристапување кон животот, порача Бесими.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Економија

Согласно планот со управување на Светското природно и културно наследство на Охридскиот регион се намали интензитет на градба на станбени згради во Охрид.

Раст на цените на становите, од 1500 до 2000 евра квадрат на охридската ривиера

Цените во Охрид за новите станови се движат од 1200 до 1500 евра по мкв во централно градско...

-Гарантирам дека во јануари цената нема да се покачи на ниво на кое одредени медиуми или, пак, поединци сакаат да го покажат за да креираат страв кај народот. Ние како што докажавме на 1 јули и на 1 јануари ќе докажеме дека цената ќе биде се уште најниска во целиот регион и ќе обезбедиме доволно електрична енергија за да продолжи да тече нормалниот живот онака како што треба, изјави Битиќи по отворањето на „Иновацискиот и бизнис форум Пеперутка".

Од 1 јануари за сметка за струја планирајте од 300 до 500 денари плус секој месец

Вицепремиерот за економски прашања Фатмир Битиќи гарантира дека цената на електричната...