Дали Кошаркарската федерација на Македонија ќе добие нов претседател ?

Објавил: Узунов Бобан | 14 мај, 2019 11:20

Битка на легендите за прв човек на македонската кошарка, Перо Антиќ ќе го предизвика Петар Наумовски

Фото/Текст извор: ©магазин

Утре, 15 мај, е ден за изборното собрание во Кошаркарската федерација на Македонија. Перо Антиќ ја има поддршката од јавноста, но неизвесно е дали ќе успее да го стане Пеце Наумоски од фотелјата што тешко се напушта. 

Перо Антиќ почнал да игра кошарка на 11-годишна возраст, заедно со неговиот брат Александар во младинските школи на КК Работнички”, како и во кадетската и јуниорската репрезентација на Македонија. На возраст од 16 години го направил своето деби во првиот тим на клубот. На 17 години, отишол на колеџ во САД. Во април 2015 година, Антиќ бил уапсен рано наутро во њујоршкиот клуб „1 ОАК“, бидејќи ја попречувал полицијата  да изврши увид во инцидентот во кој кошаркарот Крис Коупленд и неговата сопруга биле нападнати и расечени со нож.

Македонската кошарка утре може да сврти нов лист, а дали тоа ќе се случи зависи од исходот на изборното собрание на МКФ. Официјални кандидати за претседателската функција се Перо Антиќ и Владимир Темелковски, но присутна е и можноста Пеце Наумоски, кој е исклучително таинствен во предизборниот период, да сака да остане на чело на Федерацијата. Тој првично најави повлекување, а потоа и можност за премислување. 

Перо Антиќ ја презентираше предизборната програма, ја кажа својата визија за македонската кошарка и ја доби поддршката од јавноста и од спортските работници. Но за да се стане претседател, треба да се освои гласот на оние што одлучуваат. Тоа е и најтешкиот дел од уривањето на власта во секоја спортска федерација поради влијанието што го има секој актуелен претседател.

Ништо не е поинакво ни овојпат, кошаркарската јавност е наклонета кон Перо Антиќ, но многу поважно од тоа е лобирањето за гласови, а Пеце Наумоски досега успешно го правеше тоа и победуваше во секој обид да биде срушен.

На нашата кошарка ѝ е потребна свежина, потребни се промени за да се врати достоинството на овој спорт во Македонија, кое веќе одамна го нема, ниту во репрезентативната, ниту во клупската кошарка.  

Петар Наумоски (роден на 27 август 1968 во Прилеп) — поранешен македонски кошаркар и кошаркарски функционер. Тој го освои шампионатот на највисокото ниво на европската лига, Евролига, два пати. Со Југословенската лига клуб Сплит, во сезоната 1989-90, и сезоната 1990-1991.Тој, исто така, го освои шампионатот во средното Европско првенство во средното ниво, Купот на ФИБА Сапорта, во клубот на тренерот на Италијанската лига Тревисо во сезоната 1994-1995. Тој повторно го освои Купот Сапорта, со италијанскиот клуб Менс Сана кошница, во сезоната 2001-02. Исто така, го освои шампионатот на третото ниво на Европска лига, Купот ФИБА Корач, со турскиот клуб Супер лига Ефес, во сезоната 1995-1996.

Досегашното владеење на Наумоски не ги помести работите напред. Во репрезентативната кошарка дојдовме до дното, игравме две фази на претквалификации за потоа пласманот во квалификациите да го прославиме како успех. А сè почна од една од првите одлуки на Пеце по стапувањето на функцијата, без никакво алиби да му даде отказ на Александар Џикиќ, кој беше сосема солиден селектор. Се наруши хемијата во репрезентацијата градена претходно, а МКФ мака мачеше да ги натера дел од кошаркарите да играат за Македонија. Проба и со сила, со закани за суспензии, но не одеше. 

Клупската кошарка е рамо до рамо со репрезентативната, на дното, што ја прави целосна сликата за овој спорт во моментов. Веќе немаме претставник ниту во првата АБА лига, а настапот во посериозните европски купови е научна фантастика. На домашната сцена веќе одамна е присутна поделба на клубовите, правилата за едни важат, за други или не важат или стапуваат во сила дури откако ќе се направи притисок од оштетените. Квалитетот на кошарката е многу далеку од она романтично минато за кое зборуваат постарите генерации.

Дали македонската кошарка утре ќе добие нова шанса за преродба или ќе продолжи да се движи во истата линија, останува да видиме. Но нивото на кое е таа сега е далеку од тоа на кое сите сакаме да биде.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

– Се дозволува организирање и одржување на семинари, обуки, курсеви, состаноци, работилници, конференции и слично, во затворениот дел на објектите до 50% исполнетост од капацитетот на просторот.

Владата дозволи свадби на затворено, а од 15 ноември за влез ќе се бараат две дози вакцина

Владата на Македонија на вчерашната редовна 115-та седница, согласно моменталната епидемиолошка...

Членот на ДИК, Кренар Лога не се согласува со ваквата одлука и истата ја нарекува незаконска. За ова писмено ги известил и останатите членови, пренесе Алсат.

ДИК го смени Упатството и ќе признава за важечки и ливчиња без печат

ДИК на денешната седница го смени Упатството за важечки и неважечки ливчиња и сега...

Зошто АД МЕПСО не ја активирал ТЕЦ Неготино која е резерва за вакви случаеви на криза, а според законот е под негова надлежност и за тоа има финансиски издатоци спрема ТЕЦ Неготино како ладна резерва?

Куштрим Рамадани и Васко Ковачески мора да понесат одговорност за енергетската криза

Уште минатата година, Левица предупредуваше дека со ваква лоша кадровска политика...

Мицкоски посочи дека на СДСМ и на ДУИ им пречи коалицијата на ВМРО-ДПМНЕ со Алијанса и Алтернатива. Граѓаните сакаат коалиции со коишто ќе им се покаже иднината, а не да ги враќаат во минатото.

Со Села направивме коалиција за создавање иднина

„Не е поентата да се занимавате со политика и да делите. Поентата е да се занимавате...