Поранешниот пратеник од редовите на СДСМ, Павле Богоевски во вчерашното гостување во емисијата Само Вистина, на Канал5, говореше за изборите кои се одржаа на 15 јули. Тој истакна дека ДУИ има многу добра положба за преговарање, а воедно и рече дека се согласува со ставот дека барањето за прв премиер Албанец, не беше ништо повеќе од преговарачки чин.

Од чиста логика искрено се надевам дека ДУИ ќе оди во опозиција. Не ја исклучувам опцијата дека Заев ќе собере 61 пратеник без ДУИ. На нашата сцена не се непознати математиките на прибирање на пратениците, понекогаш и од спротивниот табор, преку лобирање, убедување итн, не би ја бутнал таа врата. ДУИ има многу добра положба за преговарање, се согласувам со ставот дека барањето за прв премиер Албанец, не беше ништо повеќе од преговарачки чин на Али Ахмети- рече Богоевски.

Законот за амнестија беше политички пазар за промена на името со цел влез во НАТО и ЕУ, а референдумот е успешен без одлука, рече Богоевски.

За потсетување, Павле Богоевски си поднесе оставка од функцијата пратеник на Собранието, откако во јавноста излезе аудио снимката за аферата на која тој нарачува масло од канабис за својата сестра.