Градоначалникот на Општина Карпош, Стрефан Богоев, на Фејсбук профил го коментираше актуелниот претседател во заминување, Ѓорѓе Иванов поради одбивањето на потпишување законите, кои претседателот ги одби поради тоа што на нив стои Република Северна Македонија.

Богоев на својот Фејсбук профил јавно поставува прашање: Дали Иванов ќе си го потпише решението за доживотна пензија.

„Прашање до Ѓорѓе Иванов: Дали ќе го потпише решението за негова доживотна пензија по завршување на мандатот ако на него пишува “Република Северна Македонија”?“, му порача тој на претседателот.

Претседателот Иванов, до сега врати вкупно 20 закони до собранието со образложение дека, согласно заклетвата дадена при стапувањето на должност, го штити уставниот поредок и интересите на државата.

Инаку одбива да ги потпишува законите на кои стои новото име на државата уште од 11-ти јануари, односно од моментот на изгласување на уставните измени.

Меѓу законите кои актуелниот претседател одби да ги потпише се и законот за антидискриминација, за електронски комуникации и Агенцијата за следење на комуникации, кои беа усвоени врчера во рамки на 94 седница на Собранието.

Талат Џафери пак во изјава за весникот „Независен“ пред извесно време изјави дека доколу Ѓорѓе Иванов одбие да ги потпише и по вторпат, за објавување на овие закони ќе се чека изборот на нов претседател.