Постојат разни рецепти за уштипци, но овие дефинитивно најбрзо се прават, па затоа се одлично решение за ненадејни гости.

Овој брз и едноставен рецепт, е идеален предлог за појадок или вечера за вашето семејство.

Состојки:

500 гр. брашно

200 мл. јогурт

200 мл. кисело млеко

2 јајца

2 лажички сол

1 пециво

според потребата масло за пржење

Подготовка:

– Одмерете го брашното, додадете ја солта, пецивото и измешајте. Додадете ги лесно сматените јајца со двете врсти млека, измесете меко тесто. На побрашнета површина расукајте кора која не треба да е многу тенка и сечете форми кои вие ги сакате. Пржете ги во не многу длабоко масло кое ќе го ставите да се грее на појака температура додека го сукате тестото, потоа намалете и пржете.

– Кој сака посолено, додадете уште една лажичка сол, макар да за мој вкус нема потреба. Кај мене секогаш од половина состојки, мал ми е бројот на консументите.