Новинарот и аналитичар, Тим Џуда, на првиот ден од Самитот на ЕБРД во Лондон, објави фотографија на српската премиерка Ана Брнабиќ, која седи меѓу хрватскиот колега Андреја Пленковиќ и премиерот на приштинските институции, Албин Курти.

– За реципроцитетот едни спрема други? Албин Курти и Ана Брнабиќ. Ќе биде интересно да се слушне што се случува зад сцената и ова е добра можност.

ЕБРД – Балкански инвестициски самит, напиша Џуда на својот профил на Твитер.

Премиерите на Албанија и Црна Гора, Еди Рама и Душко Марковиќ се исто така присутни на самитот во Лондон.

Премиерката Ана Брнабиќ изјави денеска во Лондон дека таа и Метју Палмер разговарале, пред сè и најважно, за ситуацијата околу БиХ и Црна Гора и колку последните политички пресврти можат да влијаат и на регионалната стабилност и на економската состојба во Србија.

„Ние во една реченица не сме ни спомнале ниту такси за Приштина или за новата администрација на Приштина. Ова можеби најдобро илустрира како во моментов Соединетите држави, од една страна, размислуваат за можна дестабилизација во БиХ и колку сериозно ја следат ситуацијата во БиХ, изјави Брнабиќ пред новинарите во Лондон.

Премиерката рече дека Палмер ќе разговара и со претседателот Александар Вучиќ за време на неговата претседателска посета на Вашингтон и дека ќе го види уште еднаш на Самитот во Делфи и дека очекува Палмер наскоро да го посети Белград.

Брнабиќ истакна дека заклучокот на разговорите е дека стабилноста на регионот е апсолутно најважна тема, како од политичка така и од економски план.