Општинските советници на Ќустендил, Дупница, Бобов дол, Сапарева бања, Рила, Кочериново… стравуваат дека Македонија се обидува да ги пренасочи европските средства наменети за Коридорот 8 во друг паневропски транспортен коридор – преку Србија, јавува БНТ.

Советите на општините во целиот регион потпишаа Декларација во која бараат властите на Бугарија да посветат сериозно внимание на напредокот на важната инфраструктурна локација, која освен патна, вклучува и железничка пруга. Декларацијата ќе биде испратена до претседателот, Националното собрание, Советот на министри и други институции, јавуваат бугарските медиуми.

Бугарските власти ја обвинија новата власт дека приоритет ѝ е Коридорот 10 и поврзувањеето со Србија, а не Коридорот 8 кој води кон Бугарија и кон Турција.

Министрерот за транспорт Александар Николоски го демантираше тоа.

– Ако имаме автопатско поврзување кон Бугарија а тие немаат, тогаш која е поeнтата ние да градиме автопати. Истото е и со пругата. Мораме да имаме заеднички проект бидејќи пругата не води никаде. Тие јавно истакнаа дека немаат проект за пругата и дека до 2026 година ќе го направат проектот, а ќе им требаат уште најмалку четири години да ја изградат – рече Николоски.