Во Европската комисија Маричиќ одржал работен состанок и со еврокомесарот за правда Дидие Рејндерс, на кој му ги претставил реформите што во моментот ги прави Владата во однос на владеењето на правото.

Објавил: Рејхан Бајрами | 27 ноември, 2021 11:48

Бугарија најави вето, Македонија очекува разговори

Фото/Текст извор: ©sloboden pecat

Министерот Бујар Османи најави дека во декември активно ќе се бараат решенија за спорот со Бугарија и смета дека и во тој краток рок може да се дојде до решение, но засега ниту македонското ниту бугарското МНР не ја закажуваат планираната средба на која требаше да се дискутира за „Патоказот пет плус еден“.

Министерот за надворешни работи Бујар Османи најави дека во текот на декември активно ќе се бараат решенија за спорот со Бугарија затоа што смета дека и во тој краток рок може да се дојде до решение. Но, ниту од македонското ниту од бугарското министерство за надворешни работи засега не ја закажуваат планираната средба која требаше да се одржи уште во текот на октомври за да се дискутира за „Патоказот пет плус еден“, во кој се содржани бугарските барања.

Овој состанок, според изјавите на Османи, прво беше одложен на барање на македонските власти поради локалните избори, а потоа уште еднаш одложен за втората половина на ноември, на барање на бугарската страна поради тамошните парламентарни и претседателски избори.

Во интервју за бугарската агенција БГНЕС, Османи порача дека добрите односи со Бугарија и европската перспектива за Северна Македонија се без алтернатива. Прашан што ќе направат властите во Скопје по повторениот став на Бугарија дека нема да го тргне ветото за преговорите за членство во ЕУ, Османи нагласи дека во следниот период активно ќе се бара решение по однос на политичките прашања.

– Како што знаете, Северна Македонија беше конструктивната страна за изнаоѓање решение. Во следниот период очекуваме кога ќе се формира владата во Бугарија да почнат разговорите. Сметам дека и во декември има добри шанси да се најде решение, бидејќи немаме алтернатива, освен добрососедски односи со Бугарија. Се надеваме дека оваа политичка стабилност во двете земји ќе даде резултат – рече Османи.

Бугарскиот државен врв деновиве го повтори ставот дека на состанокот на ЕУ на 14 декември, кој е последен самит во рамките на словенечкото претседателство со Унијата, нема да дозволат да се усвои преговарачката рамка за Македонија. Амбасадорот на Бугарија во ЕУ Румен Александров неодамна на состанокот на Советот за општи работи (ГАК) соопшти дека нашата земја „сè уште не ги исполнува критериумите за одржување на првата меѓувладина конференција“. Тој тогаш порача дека Република Северна Македонија треба да преземе конкретни обврзувачки ангажмани, од кои некои треба да се спроведат на краток рок, а останатите треба да бидат меѓу барањата во идната преговарачка рамка.

– Сè додека тоа не се случи, не може да се очекува напредок во процесот на проширување со Северна Македонија – порача Александров.

Бугарскиот претседател Румен Радев завчера во телефонски разговор со еврокомесарот за проширување Оливер Вархељи изразил очекување дека дијалогот на Софија со Скопје ќе доведе до конкретни резултати. Радев истакнал дека Бугарија е отворена за дијалог, поставила јасни прашања и очекува одговори и реални дејства од Република Северна Македонија. Шефот на бугарската држава смета и дека дневниот ред на билатералните односи меѓу Софија и Скопје не треба да биде подреден на надворешни влијанија, туку да се води отворено со ангажман од двете земји, што ќе го придвижува напред процесот на евроинтеграција на Северна Македонија. Според него, главен акцент во тој дијалог треба да биде „почитувањето на правата на Бугарите во Северна Македонија, трајно искоренување на јазикот на омразата и почитување на бугарската историја и културно наследство“.

Истовремено и техничкиот премиер Стефан Јанев порача дека политиката на Бугарија останува непроменета. Според него, Бугарија многу добро го соопштила својот став пред бугарското општество, но не и пред партнерите од ЕУ.

Македонскиот министер за правда Бојан Маричиќ на комесарот Вархељи, пак, му порачал дека одложувањето на почетокот на преговорите со ЕУ ќе има негативно влијание не само врз нашата земја, туку и врз целиот регион. Министерот е во работна посета на Брисел, од каде што преку профилот на Фејсбук соопшти дека на состаноците повторил дека сите реформи што беа побарани од нас како држава за почеток на преговорите се спроведени, вклучително и оние во правосудството.

Во Европската комисија Маричиќ одржал работен состанок и со еврокомесарот за правда Дидие Рејндерс, на кој му ги претставил реформите што во моментот ги прави Владата во однос на владеењето на правото.

„Се согласивме дека е потребно темпото на реформи да се задржи, а отворањето на преговорите со ЕУ ќе биде само дополнителен катализатор за нив“, напиша Маричиќ.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Анализа

Анализата на Министерстото за здравство покажува дека постарите од 65 години имаат двојно поголем ризик да починат од Ковид, а кај мажите ризикот за смрт е за 28 проценти повеќе од жените.

Фајзер најефикасен против смртен исход, Синовак против хоспитализација

Синовак најмногу спречува смрт, а Фајзер хоспитализација, покажува првичната сеопфатна...

Како што објаснуваат од Министерството за Фокус, компанијата имала лиценца како правно лице, врз основа на која обезбедила и таканаречен извод од лиценца за неколку автобуси, но, истакнуваат од таму, друштвото немало ваков извод од лиценца за автобусот кој изгоре во Бугарија!

Кобниот автобус требало да го контролираат и Царината и Инспекторатот

„Беса Транс“ имала лиценца како правно лице и извод од лиценца за неколку автобуси,...

Солиден резултат имаше Левица која собра над 50.000 гласови а коалицијата на ЛДП и ДОМ дебитираше на избори со близу 25.000 гласови.

Анализа: Колкава е разликата помеѓу ВМРО-ДПМНЕ и СДСМ на првиот круг од локалните избори?

Нешто помалку од 50.000 гласа е разликата меѓу ВМРО-ДПМНЕ и СДСМ во збирот на гласовите...

Со овие измени и дополнувања се укинува ограничувањето на максимално дозволениот број на лица на една маса во кафетериите, рестораните и во рестораните на хотелите, како во отворените така и во затворените делови на овие угостителски објекти.

Во кафеана на маса може да седат колку сакаат гости – се укинува ограничувањето

Владата на Република Македонија на денешната редовна 113-та седница, меѓу другото, согласно...