Пет осомничени лица за вмешаност во терористичкиот напад во Истанбул се приведени во Бугарија, јавија тамошните медиуми.

Според бугарска Нова ТВ, тројца од приведените се државјани на Молдавија, додека еден имал арапско потекло, но не е наведено кое, пишува Телма!

Сите уапсени се обвинети за помагање на осомничениот за нападот кој турските власти ѝ го припишаа на борците на курдската работничка партија (ПКК) и на нејзините сојузници во Сирија, соопшти Обвинителството во Софија.

Пет луѓе се обвинети за помагање, еден од осомничените сторители на нападот да побегне“, изјави Сијка Милева, портпаролка на главниот обвинител на Софија, за АПФ.

Таа додаде дека нивната улога била „логистичка“ и оти Обвинителството побарало притвор за четворицата уапсени.

Нападот во Истанбул се случи минатата недела на пешачката улица Истиклал, кога во експлозија на бомба загинаа шест лица, а 81 беа повредени.