Лидерот на ВМРО и бугарски вицепремиер, Красимир Каракачанов, рече дека процесот со Скопје главно се должи на великодушноста на Софија и посветеноста на меѓународните фактори.

Како што пренесува бугарски „Дневник“  во соопштението до медиуми, ВМРО вели дека „Скопје не сака да признае дека Гоце Делчев е Бугарин, факт што бил очигледен, документиран и признат лично од него.

Како што изјавува лидерот на ВМРО и бугарски вицепремиер, Красимир Каракачанов македонските политичари сугерирале Комисијата да се обедини околу одлуката дека Гоце Делчев е деец на македонското ослободително дело, кој бил почитуван и од народот на Бугарија.

На состанокот во Скопје во петокот, Комисијата расчисти со прашањата за античката историја. Направен е сериозен исчекор за средновековната историја, а се разговараше и за заедничка прослава на Гоце Делчев. Како датум за заедничка прослава се предлага да седми октомври, денот кога коските на Гоце Делчев биле предадени од страна на комунистичките власти во Софија на Скопје, изјави Каракачанов. 

– За мене, ваквиот предлог е нескриен потсмев, што всушност го минира процесот на подобрување на односите меѓу двете земји. 

– Ако продолжи ова, бугарската делегација мора да стане од масата со сите можни последици за интеграцијата на Северна Македонија во ЕУ и НАТО. Вината за тоа нема да биде наша – изјави Каракачанов.

Според некои, овој бугарски националист е вмешан и во активностите за бугаризирање преку агитација на одреден дел од македонското население во Албанија и негирањето на постоење на Македонци во Албанија претендирајќи да ги претстави како “Бугари”.

Неговата политика е по секоја цена, употребувајќи најрадикални мерки, да се негира постоењето на Македонците како етничка реалност и нивно прикажување како етнички Бугари. Дејноста и постапките на Каракачанов се толерираат од страна на официјалните власти на Република Бугарија.