Митровден е празник посветен на светиот великомаченик Свети Димитриј, кој секоја година се празнува на 8 ноември.

Објавил: Катерина Крстиќ | 7 ноември, 2019 10:59

ВЕЧЕРВА НЕБОТО ЌЕ СЕ ОТВОРИ: Обичаи во очи Митровден

Фото/Текст извор: ©магазин.мк

Утре е голем христијански празник Митровден а именден празнуваат: Димитрија, Митре, Димо, Димко, Димана, Димка, Мите, Димитрина, Митра…

Митровден е празник посветен на светиот великомаченик Свети Димитриј, кој секоја година се празнува на 8 ноември.

Празникот се слави на целиот Балкански полуостров. Традиционално, Митровден го означувал почетокот на студеното време (зимата). Така, на Митровден се најмувале полјаци, протуѓери, кметови итн., кои служеле до Ѓурѓовден.

Свети Димитриј се роди во Солун, во третиот век. Беше син единец на солунскиот војвода. По смртта на татко му, цезарот Максимијан го постави Димитриј на истото место и посебно му препорача да ги гони христијаните. Меѓутоа, Димитриј не само што не ги гонеше, туку и јавно ја исповедаше и проповедаше верата во воскреснатиот Христос. Штом слушна за тоа, цезарот, враќајќи се од еден поход, сврати во Солун, за да ја испита работата. Го повика Димитриј, кој не ја одрекуваше својата вера и дури и го убедуваше цезарот во бесмисленоста на идолопоклонството. Максимијан се разгневи и го фрли Димитриј во затвор, а по неколку дена и го погуби. Некои христијани го земаа неговото тело и чесно го погребаа. На тоа место подоцна беше подигната црквичка, а после и голема црква, која до ден денес се наоѓа во Солун. Таму се сместени и неговите мироточиви мошти.

Светиот великомаченик Димитриј, кој живеел во Солун, во 3. век. Тој бил син на градоначалникот, кој долго време немал деца и по долги молитви, добил син, кого го воспитувал според христијанските верувања. По смртта на татко му, Димитриј бил назначен за градоначалник на Солун. Во тоа време, христијанството не било признаено како државна религија, па царот го советувал Димитриј да постапува сурово кон христијаните, но тој ги подучувал нив како да се чуваат од паганите. За тоа дознал царот и кога дошол да се увери во вистината, Димитриј воопшто не одрекувал дека е христијанин, туку јавно ја презрел паганската религија на царот, поради што бил затворен. Со него се поврзани многу чуда, особено поврзани со одбраната на Солун од непријателите. Поради тоа, овој светец се смета за заштитник на Солун.

Кај народот постои верување дека вечерва во очите на Митровден секој треба да биде во својата куќа, бидејќи ако не биде дома, тој цела година ќе преноќува по туѓи куќи. Друго верување меѓу населението кое го слави овој ден е ноќта пред празникот да го отворите прозорецот да погледнете кон небото и штом ќе ја здогледате првата ѕвезда веднаш да се помолите и да си замислите желба. Се верува дека на многумина им се исполнувале.

Се сметало дека времето по Митровден е лажливо, односно дека зимата може во секој момент да изненади, па затоа се зацврстило мислењето дека лоша среќа е ако нешто се одложи да се заврши по големиот празник. За Митровден се верувало дека ќе се претскаже каква ќе била зимата. Ако денот бил сончев, наводно зимата ќе биде блага, со мал број ладни денови. Ако на Митровден паднело снег, се верува дека ќе се задржи се до април. Во некои делови постоеле и верувања дека на Митровден не треба да се прекоруваат децата, колку и да згрешиле или биле безобразни, бидејќи наводно цела година ќе бидат непослушни

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Како што објасни Димитров, согласно праксата, но и актуелниот Закон за надворешни работи, првиот чекор при назначувањето на амбасадорите е консултација со претседателиот на државата, а вториот е усвојување на предлозите за кандидати за амбасадори од страна на Владата.

Димитров: Целосен пресврт во назначувањето амбасадори, наместо партиски кадри, се именуваат професионалци

Претседателот на државата нема да биде изненаден од кандидатите за амбасадори. Има...

Обвинителството води постапки, но поминаа месеци, а тие и натаму тврдат дека се заглавени во делот на доказите. За тоа време во пицеријата на Усеини, која ја изгради на државно земјиште без дозвола, се пречекуваат туристи, бетонската база за која исто така нема дозвола и е изградена на земјиште од ИВЗ работи со полна пареа, а инспекторот од Управата за заштита на културното наследство заедно со советникот од Општина Охрид, Џемал Мена, кои беа физички нападнати и натаму чекаат за нивните случаи да биде донесена одлука за поведување судска постапка.

Нема казни за советникот Нефи Усеини за тепачките, дивоградбите, заканите, фалсификувањето

Четири предмети против советникот во Општина Охрид од редовите на ДУИ, Нефи Усеини,...

Министерот за надворешни работи Никола Димитровски на својот Фејсбук профил напиша дека стандардниот македонски јазик официјално е кодифициран во мај 1945 година.

Димитров: Стандардниот македонски јазик е официјално кодифициран во мај 1945 година

Министерот за надворешни работи Никола Димитровски на својот Фејсбук профил напиша...