Невиден скандал! Хаос и тензии во Собранието кои кулминираа со физичка пресметка. Ескалираше кавгата меѓу пратениците од власта и нивните колеги од ВМРО-ДПМНЕ и Алијанса на Албанците кои сакаат да спречат да се донесе законско решение да не се парализира работата на судовите, Министерството за труд предлага продолжување на нивниот работен век до навршувањето 67 години со што би се продолжил работниот ангажман на 60 судии и 13 обвинители кои се на чекор до пензија.

Инцидентот во Собранието се случил откако претседателот на Комисијата за европски прашања, Арбер Адеми го ставил дневниот ред на гласање.

Прва на говорницата излезе пратеничката од ВМРО-ДПМНЕ, Дафина Стојаноска која стиска на системот за гласање, а по неа и Антонијо Милошоски. Тој го трга микрофонот на кој Адеми зборува. И тогаш, Адеми удира по раката на Милошоски. Ова е регистрирано и од собраниските камери.

Откако Милошоски не ја трга раката од собранискиот микрофон, Адеми го удира и по вторпат па му ја тегне раката. Адеми, станува од фотелјата и го удира Милошоски по третпат. Потоа, нервозно станува и со порцеланска шоља за кафе фрла кон пратениците на ВМРО-ДПМНЕ кои се пред неговиот пулт.

Милошоски му вели: „Удри, ајде, удри, удри“, по што Адеми фрла со шољата, а потоа и други предмети. Со пластично шише вода фрла и го удира Милошоски.

„А1он“ се обиде да исконтактира со Милошоски и Адеми, но не одговараат на повиците.