Чернобил сеуште ја бранува јавноста

Објавил: Узунов Бобан | 17 јуни, 2019 13:41

(видео) Погледнете ги Бабушките од Чернобил, три жени кои пркосат на опасната радијација

Фото/Текст извор: ©магазин

Пред повеќе од три децении се случи една од најголемите светски катастрофи – експлодира јадрото на нуклеарната електрана во Чернобил. Поради големата радијација што од реакторот се ширела со неверојатна брзина, градот бил евакуиран. Но, неколку жени одлучиле да се вратат во своите домови. 

Поради таинственоста на властите во тогашниот Советски Сојуз, податоците за несреќата и последиците по животната околина и по здравјето на луѓето долго време не биле достапни. Извештајот подготвен од Меѓународната агенција за атомска енергија и Светската здравствена организација заклучува дека 56 лица загинале во самата несреќа, и проценува дека уште 9.000 други починале од рак директно предизвикан од радијацијата. Властите првобитно се обиделе да го сокријат инцидентот, но го признале дури откако зголемени нивоа на радиоактивно зрачење биле регистрирани и во Шведска.

Чернобил и Припјат биле евакуирани во далечната 1986 година и оттогаш таму никој не смее да живее. Барем тоа било правилото по нуклеарната катастрофа. Сепак, неколку жени одлучиле да се вратат во своите домови бидејќи за нив не постоело друго место што можеле да го наречат свој дом. 

Властите дозволиле постарите луѓе да се вратат во своите домови затоа што сметале дека помладите биле поподложни на влијанијата од радијацијата. Повеќето стари луѓе биле жени, а за нив е снимен и документарецот наречен „Бабушките на Чернобил“. 

Овие храбри жени преживеале војни и окупации и радиоактивноста воопшто не ги плаши. Често повторуваат дека побрзо би умреле отколку да ги напуштат своите домови. Како што велат, гладувањето ги плаши повеќе од што било. Тие живеат во место што за останатиот дел од светот престанал да постои во текот на 80-тите години. Во градот каде што застанало времето, тие сè уште живеат со своите рутини и навики. 

Нивните сопрузи починале од природна смрт, а тие останатиот свој живот сакале да го поминат дружејќи се во градот во кој се родиле и пораснале. Доколку закажете туристичка обиколка во Чернобил, можете да платите дополнителна цена за да ги посетите жителите на овој град. Тие се навикнати на љубопитните посетители и со сите трпеливо ја раскажуваат својата приказна. 

Тие се сведоци на историското случување, за кое често раскажуваат низ солзи. Велат дека по евакуацијата, луѓето во другите градови каде што биле сместени, не сакале да им дадат ни чаша вода, бидејќи се плашеле дека ќе ги заразат со радијацијата. Чернобилските бабушки од година на година се сè помалку, а наскоро нема ни да постојат. 

Жените што се појавуваат во документарецот раскажуваат за својот живот во селото Машево, што денес претставува најопасна зона. 

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Од Основното јавно обвинителство информираа дека девојката Ангела Ѓ. е една од двајцата уапсени, осомничени за убиството на Пино чие тело беше пронајдено во атарот на селото Љуботен. Првоосомничениот Али Фуркан се уште е во бегство.

ЕКСКЛУЗИВНО: Утре ќе се врши оценка на обвинението на убиецот на Пино, Ангела Георгиевска!

Момче со ведрина и желба за живот, мајката на Пино Маја Трпковска вака го опишуваше...

Двете страни сакаат до утре да размислат како да најдат заедничка позиција на самитот на ЕУ, кои, како што наведе Меркел, треба да бидат прифатливи и за другите ЕУ-членки

За Макрон прерано е за преговори, Меркел се надева на компромис

Претседателот на Франција Емануел Макрон смета дека Северна Македонија и Албанија...

– Во јуни добивме порака дека Северна Македонија исполни се, но поради календарски услогласувања на земјите членки на ЕУ добрата вест за старт на преговорите ќе ни пристигне во октомври. Октомври дојде и ние сме во Брисел, ја очекуваме заслужената вест за одлука за преговори за нашата стратешка цел членство во ЕУ, истакна Заев.

Заев: Очекуваме одлука сега и веднаш, одложувањето ќе има негативни последици

По се што направивме убедени сме дека треба да добиеме одлука за почеток на пореговорите...