
Македонија
Вести
Во скопската општина Аеродром денеска се одржа централната прослава за одбележување на Денот на македонската полиција 7-ми Мај, со обраќања на раководството во МВР, како и изложба и презентација на опрема на различни полициски единици.
Изложена опрема на МВР
Денеска е одбележан Денот на македонската полиција во паркот „Авион“ во скопски Аеродром. На настанот беше презентирана опрема од Министерството за внатрешни работи низ годините која ја имале различни полициски единици.
На настанот беа присутни луѓе од раководните позиции. Министерот Панче Тошковски се заблагодари на полициските службеници и даде краток осврт на стоте денови како прв човек на МВР.
Се обрати Тошковски
На настанот присутвуваа министерот за внатрешни работи во техничката Влада Панче Тошковски и дополнителниот заменик министер за внатрешни работи Митко Бојмацалиев. И двајцата изнесоа свои видувања за условите за работа на полицијата и предизвиците на професија, упатувајќи честитки до вработените и нивната посветеност на работата.
Тошковски рече дека кога дошол на позицијата министер се соочил со недостоинствени услови за работа на полицијата, но и неизмерна желба за професионално и чесно вршење на должноста полицаец.
– Краток период, но и повеќе од доволен сум во институцијата за да увидам дека има луѓе кои работат за доброто на татковината. Токму затоа во очи на престојните избори можам да кажам само едно големо благодарам на службениците кои на каков било начин беа вклучени во изборниот процес. Исто така, во овие 100 дена имав можност непосредно и конкретно да се уверам не само во обемот во одговорноста и во важноста на полициската работа туку и генерално во севкупната повеќеслојно значење на оваа институција, истакна Тошковски.
Бојмацалиев, пак, во обраќање посочи дека изминатиот период институцијата МВР од затворена и нетранспарентна прераснала во најтранспарентна.
– Изминатиот период беше вложено посветеност, знаење, труд, кадровска и техничка надградба. Се што направивме како во насока на континуирано следење на трендовите во полициското работење, така и во насока на максимална ефективност и ефикасност во функционирањето на сложениот безбедносен систем. Современото демократско општество е подложно на динамични континуирани промени и прилагодувања во обид да биде во чекор со современите текови, така и полициската професија секојдневно е соочена со безброј предизвици, кои се трансформираат надградуваат соочувајќи не со потреба од нови и креативни решенија, изјави Бојмацалиев.
Граѓаните објавуваат видеа
Во продожние може да видите и видео од самиот настан. Со веење на националното знаме, со многу патриотски елементи беше одбележан денешниот ден.
„Тоа се луѓе кои деноноќно се грижат за сите нас, за нашата сигурност и безбедност и се пријател на граѓаните.“, пишуваат грѓаните на социјалните мрежи и упатуваат честитки за Денот на македонската полиција.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.