Со песните „Плавуша“ од Кичо Слабинац и „Во коси да ти спијам“ од Тоше Проески, нашиот Дамјан Димески успеа да ја освои публиката но и стручното жири во музичкото шоу „Ѕвездите на Гранд“.

Дамјан Димески е од Скопје и има 16 години а со неговиот настап успеа да предизвика позитивни коментари и воодушевување.

Неговиот ментор, рокенрол пејачот и актер Ѓорѓе Николиќ, или познат по уметничкото име Џорџе Давид кажа дека и покрај тоа што Дамјан бил настинат успеал да се покаже во најдобро светло, а тоа го прави среќен и особено горд како ментор.

Фасциниран од неговиот настап и енергија Џорџе Давид му се заблагодари на Дамјан со зборовите “Ти благодарам што не ме разочара“, земајќи ги во предвид годините и искуството. –

Џорџе Давид беше член на групата Генерација 5, Ганг и неколку други групи.

Тој има глумено во неколку филмови, телевизиски серии и театарски претстави, а во 2018 година стана член на жирито на најголемото регионално музичко шоу „Ѕвездите на Гранд“

Настапот на Дамјан може да го погледнете од 1:20:59.