Сосема гол маж денеска го искористил сончевиот ден за релаксирачки џогинг во Охрид, нарушувајќи го спокојот на луѓето кои шетаат по кејот, но и граѓаните кои се нашле во центарот на градот.

Според порталот, човекот сред бел ден, „како од мајка роден“ протрчал по целата должина на кејот, продолжувајќи кон плажите, без никој да го запре или воопшто нешто да му рече.

Снимки од несекојдневниот инцидент беа објавени и на социјалните мрежи. Според она што се гледа на видеата, голиот маж го претрчал речиси целиот центар на градот, додека дел од граѓаните му довикуваат погрдни зборови.