Омлет е француско јадење кое се подготвува од скршени јајца во засолено млеко (може и со вода) и испржени во тиган. Во омлетот можат да се додадат зеленчуци и различни млечни производи, месо и колбаси, од кои најпопуларни се: сирење, исечкана шунка (или друг колбас), печурки, лук, магдонос и др., што зависи од самиот готвач.

Во различните национални кујни постојат повеќе видови на омлет: шпански тортилја, италијанскифритата, јапонски ому-рајсу и ому-соба, со ориз и морски плодови.
Омлетот е популарно јадење во светот поради лесната и брза подготовка, како и поради својата хранлива вредност и различните вкусови добиени благодарение на додатоците.

Состојки:

3 јајца
100 грама сирење
свеж магдонос по вкус
зачини по вкус

Начин на подготовка:

Сирењето иситнете го со вилушка или изрендајте го.
Јајцата ги матиме во посебен сад, ги посолуваме и додаваме бибер по желба.
На загреано масло во тава ги додаваме изматените јајца.
Кога ќе се испржат од едната, ги вртиме да се испржат и од другата страна.
Тогаш го додаваме сирењето и го преклопуваме омлетот.
Кога омлетот е готов наросуваме и свеж магдонос по желба.
Сервирајте со свежа салата од домати, пиперки, краставици и маслинка.