Владата на Република Македонија ја разгледа и усвои Информацијата за потребата од изнаоѓање Решение за стопанисување и управување со Комплексот Македонско село во Нерези-Скопје

Познатиот туристички Комплекс Македонско село, проект на Владата на ВМРО-ДПМНЕ, се наоѓа во Нерези-Скопје, и го сочинуваат 12 тематски куќи. Секоја од нив претставува по еден град од Македонија – беровска, делчевска, кумановска, реканска, струшка, прилепска, тетовска, кратовска, галичка, битолска, велешка и куќа од Скопска Црна Гора. Инвестицијата вредна 6,5 милиони евра се наоѓа наспроти манастирот Св. Пантелејмон во Нерези, а нејзин концесионер е некогашниот градоначалник на општина Центар, Владимир Тодоровиќ. Комплексот престана  со работа со одлука донесена од менаџментот која беше соопштена преку социјалните мрежи. 

На денешната, 98  седница на Владата на Република Македонија ја разгледа и усвои Информацијата за потребата од изнаоѓање Решение за стопанисување и управување со Комплексот Македонско село во Нерези-Скопје, и донесе одлука за формирање работна група за разгледување на сите аспекти на новонастанатата фактичка состојба, која ќе треба, врз основа на анализата на сите законски решенија, да предложи постапката со која ќе се обезбеди продолжување на стопанисувањето и управувањето со комплексот Македонско село.

Се поставува прашањето за вака примамлив туристички Комплекс, каква ќе биде одлуката, ако ги имаме во предвид аферите кои беа присутни во јавноста.