Се издава на 15 години

Објавил: Калина Мартинска | 29 јануари, 2025 17:23

Владата објави повик за закуп на „Македонско село“

Фото/Текст извор: ©magazin.mk

Владата денеска објави оглас за изнајмување на комплексот „Македонско село“ во скопско Нерези. Комплексот ќе се издаде на идните закупци на 15 години, а јавното наддавање ќе се одржи на 14 февруари.

Според огласот, комплексот е поделен на 4 целини и за сите посебно ќе има јавно наддавање.

Првиот дел е за струшка куќа, македонски ан и велешка куќа, по почетна цена 91.575 денари. Вториот дел е за галичка куќа, реканска куќа и куќа од скопска црна гора за која почетната цена е 54.839 денари. За делчевска, кумановска и тетовска куќа заедно со делот за рецепција почетната цена е 44.529 денари, додека за прилепска, битолска, кратовска и беровска куќа почетната цена на наддавање е 49.868 денари.

Од владината служба за општи и заеднички работи очекуваат голем интерес, и покрај тоа што претходниот концесионер се откажа од објектот пред 6 години, поради „наводна“ нерентабилност.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.