Од зградата на Владата веќе е отстранет натписот „Влада на Република Македонија“

Објавил: Сања Кукиќ | 11 февруари, 2019 9:49

Владината зграда подготвена за новиот натпис „Влада на Република Северна Македонија“

Фото/Текст извор: ©онлине-магазин

По добивањето на Вербалната нота со која Атина денеска ќе го информира Скопје дека се ратификувани Договорот од Преспа и Протоколот за членство во НАТО, и исполнувањето на сите правни услови за влегување во сила на конечната спогодба и уставните амандмани, почнува примената на новото име Република Северна Македонија.

Во Службен весник ќе биде објавен датумот на влегување во сила на уставните амандмани и уставниот закон.

Потоа, како што најави МНР, Република Северна Македонија и Република Грција ќе достават заедничко писмо до генералниот секретар на ООН, со кое го информираат генералниот секретар Антонио Гутереш за датумот на влегување во сила на конечната спогодба, со што се става  крај на повеќедеценискиот билатерален спор меѓу двете земји.

Потоа за промената на името ќе бидат информирани и Секретаријатот на ООН, земјите членки, земјите набљудувачи на ООН, како и сите останати меѓународни организации.

Во меѓувреме, почнаа и практичните подготовки за примена на новото име. Од зградата на Владата веќе е отстранет натписот „Влада на Република Македонија“

Владата формира Интерресорска група која ќе треба да изработи Национален акциски план за спроведување на натамошните мерки и активности, а во рок до седум дена државните институции, граничните премини и диоломатско-конзуларните претставништва ќе треба да ги сменат таблите со новото име на државата – Република Северна Македонија.

Од Владата не очекуваат проблеми од државните институции при користењето на новото име на државата.

Употребата на новото име на државата ќе биде усогласено и со Законот за употреба на јазиците што значи дека таблите ќе бидат напишани и на албански јазик бидејќи, како што изјави неодамна владиниот портпарол Миле Бошњаковски, Албанците се 20 проценти на државно ниво.

Препораки за промена на таблите ќе добијат и единиците на локалната самоуправа, а секторите и службите за односи со јавност на државните и јавните институции ќе добијат насоки за употреба на уставното име.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

На социјалните мрежи се појавија пост бомби во кои се слуша како Фрчковски се договара со Алберт Муслиу за замачкување на лустрација на Фрчковски.

Дали Фрчко и Алберт Муслиу лажирале лустрација?!

На социјалните мрежи се појавија пост бомби во кои се слуша како Фрчковски се договара...

Како што соопштија од Министерството, новите возила се опремени со најсовремена медицинска опрема.

Разликата е очигледна: Во 2019 година набавени се 12 возила за Итна помош, а во 2012 година дури 70 возила

Денеска Министерството за здравство соопшти дека се набавени нови 12 возила на...