Во нивното соопштение е наведено дека во текот на изминатата недела поради неспособноста на власта да се справи со пандемијата починале вкупно 180 луѓе.

Објавил: Едмонд Бекири | 30 јануари, 2022 12:56

ВМРО-ДПМНЕ бара второто полугодие да продолжи онлајн

Фото/Текст извор: ©магазин.мк

Опозициската ВМРО-ДПМНЕ бара од власта да ја преиспита одлуката за второто полугодие да почне со физичко присуство на учениците затоа што засилено се шири омикрон варијантата на ковид-19.

Партијата и предлага на власта наставата за учениците од четврто до деветто одделение да продолжи онлајн во наредните две недели, а од прво до трето одделение наставата да започне со физичко присуство.

„Уште еднаш ги повикуваме министерот Беким Сали и оваа неодговорна влада предводена од пиунот Ковачевски да ја преиспитаат одлуката за започнување на второто полугодие за учениците во услови кога сојот омикрон коси во државата“.

Во нивното соопштение е наведено дека во текот на изминатата недела поради неспособноста на власта да се справи со пандемијата починале вкупно 180 луѓе.

Во него е посочено дека во моментот во државата има скоро 20 илјади активни случаи на корона вирус или колку еден поголем град во Македонија и над 8.300 починати како последица на ковид- 19.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.