ВМРО-НП предлага на прославите на Илинден во Крушево да нема политички говори

Се надеваме дека оваа идеја ќе биде добронамерно прифатена од сите политички субјекти, соопшти ВМРО-НП.

Фото/Текст извор: ©магазин.мк

ВМРО-НП предлага на прославите на Илинден во Крушево да нема политички говори!

За да се надмине сквернавењето на прославите на најголемиот македонски државен празник, ВМРО-Народна партија предлага од идната година политичките говори бидат изоставени, а во Крушево да има само културно-уметничка прослава на која „се надеваме обединети ќе дојдат граѓаните од сите политички бои, а притоа политичкиот дел, односно политичките говори да останат во рамките на претседателската резиденција, Пелинце или евентуално на некоја свечена академија“.

ВМРО-Народна партија соопшти дека веќе со години прославите на Илинден во Крушево наместо да бидат предмет на сплотување и заедништво се претвораат во настан кој разединува, создава конфронтации и зголемување на внатрешната омраза помеѓу луѓето од различните политички структури.

Се надеваме дека оваа идеја ќе биде добронамерно прифатена од сите политички субјекти, соопшти ВМРО-НП.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.