Исто така, веќе подолго време, во нашата генетска лабораторија веќе се работи МОЛЕКУЛАРЕН Real time RT-PCR тест за ДЕТЕКЦИЈА НА ВИРУСОТ SARS-CоV-2 од брис, соопштуваат од клиниката!

Објавил: Стојче Бушин | 13 јули, 2020 23:00

Во лабораторијата на Zan Mitrev Clinic се изработува имунолошки тест за квантитативно одредување на – IgG АНТИТЕЛА КОН SARS-CоV-2 преку крв

Фото/Текст извор: ©Магазин.мк

Во лабораторијата на Zan Mitrev Clinic се изработува имунолошки тест за квантитативно одредување на – IgG АНТИТЕЛА КОН SARS-CоV-2 преку крв.

Со помош на мерењето на концентрацијата на антителата, се добива увид во тоа дали организмот бил во контакт со вирусот и каков е имунолошкиот одговор на организмот во борбата со овој вирус.

Исто така, веќе подолго време, во нашата генетска лабораторија веќе се работи МОЛЕКУЛАРЕН Real time RT-PCR тест за ДЕТЕКЦИЈА НА ВИРУСОТ SARS-CоV-2 од брис, соопштуваат од клиниката!

Комбинацијата на овие два теста дава целосна и реална слика за случувањето во организмот на човекот, така што имунолошките и молекуларните тестови се надополнуваат едни со други.

Секвенционирање на првите геноми на SARS-CoV-2 во Македонија!

Овој пат тимот од Лабораторијата за Генетика и Персонализирана Медицина во соработка со компанијата Био Инженеринг, предводен од Д-р Горан Кунгуловски, беше инволвиран во уште едно значајно поглавје во македонската биомедицина.

Имено, тимот ги секвенционираше првите целосни геноми на коронавирусот SARS-CoV-2, изолирани од македонски пациенти на почетокот на јуни.

Преку пристап на трета генерација на секвенционирање во реално време тимот од молекуларни биолози целосно ги декодираше сите 30-тина илјади букви од генетскиот материјал на вирусот кај 10 македонски пациенти. При деталната анализа на геномот беше откриено присуството мутацијата P323L во RdRP генот и мутацијата D614G во S генот, во изолатите од сите 10 пациенти.

Овие мутации се од особено значење бидејќи се наоѓаат во едни од двата најважни протеини на коронавирусот: S протеинот е клучот за влегување на самиот вирус во клетката и нејзиното инфицирање, а додека пак RdRp генот е значаен за делбата на вирусот во клетката.

Според последните научни студии, соевите коишто ја имаат D614G мутацијата, во изминатите месеци станаа доминантни во Европа и некои региони на САД. Се смета дека мутацијата D614G којашто е отсутна во 97% од изолатите во Кина, а доминантна во Европа и исто така откриена во Македонија, ја зголемува преносливоста и заразноста на вирусот, но нема ефект врз сериозноста на симптомите.

S протеинот е еден од главните таргети за развој на вакцина против вирусот, а додека пак RdRp генот претставува еден од главните таргети за развој на терапија против вирусот. Секвенционирањето на повеќе изолати на вирусот од македонски пациенти од самиот почеток на епидемијата па до сега, ќе овозможи за точно следење на еволуцијата и промените на вирусот во рамките на Македонија.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Здравје

Министерот за здравство Венко Филипче на денешната прес конференција посочи дека охрабрувачки е тоа што расте бројот на оздравени пациенти од коронавирус.

Филипче: Нема потреба од нови мерки, овие кои се воведени даваат резултати

Министерот за здравство, Венко Филипче смета дека нема потреба од дополнителни мерки...

Оваа средба беше редовна коориданција околу отворањето на новите болнички капацитети за ковид пациенти во рамки на хируршките клиники.

ФИЛИПЧЕ НА РАБОТЕН СОСТАНОК СО КОЛЕГИТЕ ОД ХИРУРШКИТЕ КЛИНИКИ И КОВИД ЦЕНТРИТЕ НА ИНТЕРНИТЕ КЛИНИКИ

Министерот за здравство, д-р Венко Филипче се сретна со д-р Александар Трајановски,...