И покрај големите "економски" планови за целосна гасификација на државата факт е дека Македонија е потрошувач на електрична енергија

Објавил: Мирко Бачиќ | 12 август, 2018 18:37

Во Македонија гасот е најскап а струјата најефтина во Европа

Фото/Текст извор: ©магазин.мк

Еуростат за прв пат објави компаративни податоци за сите земји во и надвор од Унијата по колку точно плаќаат за гас а Македонија е земјата која најскапо плаќа за овој извор на енергија.

Чисто за гасот како енергенс граѓаните и македонските компании плаќаат по 0.037 евра од киловат час што е најскапо од сите преостанати земји.

Најевтино го плаќаат Романија [ 0.016 ] Турција [ 0.016 ] Бугарија [ 0.017 ] Литванија [ 0.017 ] Унгарија [ 0.019 ].
Македонците “ги спасува” тоа што на овој чист трошок плаќаат најниски давачки за гасоводната мрежа [ 0.0048 евра по киловат час ] и за данокот [ 0.0075 евра по киловат час].

И со овие олеснителни давачки македонските физички и правни лица не стојат добро во вкупниот трошок.

И на тој начин помалку од нас плаќаат Србија – Молдавија – Турција – Британија – Полска – Словачка – Летонија – Литванија – Естонија – Луксембург – Хрватска – Унгарија – Бугарија и Романија.

Само десет земји имаат поскапа цена.

Во истиот извештај на Евростат има и цена за електрична енергија. Македонија парадоксално е земја со најевтина струја но не и со ниска цена на гас.

Јазот на цената помеѓу струјата и гасот треба да биде многу поголем ако се знае дека струјата е многу поскап извор на енергија од гасот во Европа но во Македонија за струја се плаќа 0.08 евра по киловат час додека за гас 0.05 евра по киловат-час.

Од Македонија во Европа помалку за струја плаќаат само Србија и Косово.

Гледано само како снабдување со струја трошокот е скап и чини 0.05 евра по киловат час но евтино е трошокот за мрежата [ 0.017 ] и даноците [0.013 ].

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Економија