Нова Авиолинија на релацијата Варшава – Охрид се воведува од денеска, во организација на тур-операторот „Rainbow“.
Првото слетување од Варшава на аеродромот „Св. Апостол Павле“ е предвидено за попладне во 16:20 часот.
Најавени се обраќања на Јигит Лачин, аеродромски координатор на ТАВ Македонија, Јован Стојаноски, градоначалник на Охрид и Катажина Пташињска, конзул на Полска во Македонија.
На Охридскиот аеродром вчера пристигна и првиот авион на „Нордика“ со што стартуваше сезонската директна авионска линија од Талин.
Годинешната летна туристичка сезона на Охридско-струшката ривиера беше отворена на 15 април со првиот лет од Истанбул. Во мај почнаа да оперираат и авионите од Ајндховен, како и чартер летовите што веќе собраќат од Амстердам, Брисел, Тел Авив и Катовице, а тука се и трите редовни авионски линии до Базел, Цирих и Лондон.
Во првите пет месеци од годинава преку двата аеродрома во Македонија се превезени 822.678 патници, со пораст од 20 проценти на годишно ниво. Вкупно се реализирани 7.196 летови што исто така е зголемување од 17 отсто на годишно ниво.