Владиниот потпарол истакна дека Владата не отстапува од предложеното решение за СЈО

Објавил: Узунов Бобан | 20 март, 2019 11:46

Во петок клучна средба за судбината на СЈО

Фото/Текст извор: ©магазин

ВМРО-ДПМНЕ до утре треба да ги достави предлозите во врска со законот за Специјалното јавно обвинителство, а задутре, в петок, е закажана нова средба на која ќе се разговара за разликите по ова прашање меѓу Владата и опозицијата.

Како што потврди денеска на прес-конференција владиниот портпарол Миле Бошњаковски, постојат серизони разлики меѓу Владата и ВМРО-ДПМНЕ, кое бара СЈО да биде посебно одделение.

-Дефинитивно за нас како Влада предлог-законот е најсоодветно решение и сметаме дека треба да се имплементира без одоговлекување, нагласи Бошњаковски.

Тој потврди и дека грчкиот премиер Алексис Ципрас ќе ја посети земјава но, како што рече, датумот на посетата сеуште не е дефиниран.

Одговарајќи на новинарски прашања во врска со промената на имињата на институциите, Бошњаковски потенцира дека кратенката на МАНУ и натаму останува, а за нејзиното целосно име ќе треба да се произнесат академиците. За АРМ, пак, ќе се следат духот и принципите на Преспанскиот договор. 

Дополни дека „мерцедесот“ е сеуште дел од судската постапка поради што Владата не го користи.– Мерцедесот е симбол на едно расипништво. Оваа Влада се откажа од него. Премиерот никогаш не го користи тој мерцедес. Мерцедесот е дел од судска постапка и се додека постапката е активна, мерцедесот ќе остане таму каде што е, во дел од таа судска постапка на СЈО. Во истиот момент кога ќе заврши, кога ќе биде овозможено негово менаџирање во иднина, ќе видиме што ќе се случи. 

-Најверојатно во наредниот период ќе биде прецизно кажано. Во моментов јас немам информации, рече портпаролот..

Бошњаковски информира и за набавката на амбулантните возила за потребите на Првата помош. Нагласи дека оние дополнителни осум што ќе бидат земени од Министерството за земјоделство досега практично не се употребувале и сега само се ставаат во функција.

-Министерството за здравство набавува 12 нови амбулантни возила. Овие осум постоеле во МЗШВ и биле речиси неупотребени. Идејата сега е целисходно да се искористат. Им се најде употребна вредност, рече портпаролот.

 

 

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Актуелно

Димче Арсовски изјави дека по првиот круг од изборите владеачката партија и лидерот и премиер Зоран Заев вршеле притисоци врз вработените во јавната администрација.

“Премиерот Заев се заканува дека ќе брка вработени од Град Скопје”

На денешната прес конференција портпаролот на опозициската ВМРО ДПМНЕ, Димче Арсовски...

Во однос на системот на плати и надоместоци на плати, укажуваме дека во согласност со член 170 (1) од Законот за служба во АРМ

Кабинет на Иванов: Прекршочните пријави на ДКСК се политичка одлука

Кабинетот на Претседателот на Република Македонија, најостро реагира за политичката...