Овој настан е прв од низата јавни и граѓански придонеси од регионот на „Конференцијата за иднината на Европа (CoFoE)“.

Објавил: Владо Марин | 2 јули, 2021 16:31

Во рамки на „Преспа форум дијалог“ одржан првиот настан за придонесот на Западен Балкан на „Конференцијата за иднината на Европа“

Фото/Текст извор: ©магазин.мк

Институтот за демократија „Социетас Цивилис“ во соработка со Германскиот совет за надворешни односи, и со поддршка на Европската служба за надворешни работи (ЕЕАС) ја организираше панел дискусијата „Што можеме да направиме за ЕУ? Придонесот на Западен Балкан на Конференцијата за иднината на Европа – гласови од регионот“ во рамки на меѓународната конференција „Преспа форум дијалог“.

Овој настан е прв од низата јавни и граѓански придонеси од регионот на „Конференцијата за иднината на Европа (CoFoE)“.

На панелот се дискутираше за тоа колку се заинтересирани граѓаните и институциите на Западен Балкан и колку ја следат дебатата за иднината на Европа, кој може да биде нивниот придонес во обликувањето на идните политики и амбиции на Унијата, и дали Конференција за иднината на Европа е подготвена да ги слушне и да ги земе предвид очекувањата на Западен Балкан.

Во фокусот на дискусијата исто така беше и диверзификацијата на европските синџири на снабдување како и зелената транзиција и „Зазеленувањето на економиите на Западен Балкан“.

На дискусијата учествуваа Жак Мер, член на Француското национално собрание, Тања Фајон, член на Европскиот парламент, Анџелина Ајхорст, Управен директор за Западна Европа, Западен Балкан, Турција и Велика Британија на „ЕЕАС“, Родерик Паркс, директор за истражување на Германскиот совет за надворешни односи (ДГАП), Јована Маровиќ, извршна директорка на мрежата Политикон и член на Биепаг, Алба Чела, извршна директорка на Албанскиот институт за меѓународни студии, Александра Томаниќ, извршна директорка на Европскиот фонд за Балканот, Доника Емини, извршна директорка на платформата Цивикос и член на Биепаг и Неџма Џанановиќ, вонреден професор на Факултетот за политички науки при Универзитет во Сараево. Дискусијата ја модерираше Зоран Нечев, истражувач од Институтот за демократија и член на Биепаг, а известувач беше Јасна Јелишиќ, шеф на Работната група за Западен Балкан на „ЕЕАС“.

Мер истакна дека целосно е разбирливо барањето на Западен Балкан за видливост и учество на „Конференцијата за иднината на Европа“ и додаде дека се очекува од регионот да придонесе во дискусијата за високо приоритетните прашања поврзани со проширувањето на ЕУ.

Според Томаниќ, земјите од Западен Балкан треба да бидат вклучени во сите климатски планови на ЕУ како во зелената економија. Таа додаде дека Западен Балкан може да биде регион што ќе овозможи диверзификација на синџирот на снабдување.

Фајон рече дека Европа нема да биде целосна, сè додека не заврши процесот на пристапување со Западен Балкан во Унијата и додаде дека граѓаните треба соодветно да бидат вклучени на „Конференцијата за иднината на Европа“.

Вклучувањето на граѓаните и политичарите од Западен Балкан на „Конференцијата за иднината на Европа“ треба да се сфати како постепена интеграција, што треба да помогне во придонесот за владеењето на правото и демократијата во регионот, истакна Марковиќ.

ЕУ може да научи многу од своите соседи за нејзината улога во светот, рече Ајхорст. Таа потенцираше дека мора да има обединување на континентот, а за ЕУ треба да се разговара повеќе како идеја околу која луѓето ќе се мобилизираат. Таа сугерираше дека регионот треба виртуелно да придонесе со идеи на „Конференцијата за иднината на Европа“ и да ги сподели своите очекувања.

Емини рече дека Западниот Балкан може да придонесе во дискусијата за безбедносни прашања и потенцираше дека регионот може да донесе свежина и енергија не само на „Конференцијата за иднината на Европа“, туку и во ЕУ генерално.

Паркс зборуваше за тоа како општествата и владите на земјите од Западен Балкан можат да ја искористат Конференцијата за иднината на Европа за да ја обликуваат дебатата во главните градови на ЕУ и нивните општества. Тој рече дека ваквиот процес е добра можност да се спротивставиме на негативната перспектива за геополитичката улога на ЕУ.

Чела истакна дека фактот што земјите од Западен Балкан, нивните општества и експерти не се официјално вклучени, „Конференцијата за иднината на Европа“ е пропуштена можност за обете страни – и за Западен Балкан и за ЕУ. Според неа, и покрај резервите и скептицизмот на некои, земјите од Западен Балкан се дел од Европа и нивната иднина е иднина на Европа.

Џанановиќ потенцираше дека никогаш не е рано да се разговара за иднината на Европа и додаде дека времето е важно, особено за Западен Балкан и неговата интеграција во ЕУ како процес на повеќе генерации.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Настани

Огромна река народ од десетици илјади ги преплавуваат улиците во протестот против бугаризација на Македонија со предлогот на Европската Унија.

ПРОТЕСТИТЕ ПРОДОЛЖУВААТ – ВЛАДАТА УТРЕ ЌЕ ГО УСВОЈУВА ПОНИЖУВАЧКИОТ ПРЕДЛОГ!

ПРОТЕСТИТЕ ПРОДОЛЖУВААТ – ВЛАДАТА УТРЕ ЌЕ ГО УСВОЈУВА ПОНИЖУВАЧКИОТ ПРЕДЛОГ! Огромна...

Средбата е дел од низата планирани консултативни средби на Ковачевски со лидерите на опозицијата, како дел од широката консултација за предлогот на француското претседателство.

Почна средбата Ковачевски – Мицкоски во Клубот на пратениците

Почна средбата Ковачевски – Мицкоски во Клубот на пратениците! Во Клубот на пратениците...

„Ако Европа не е подготвена да не прими нас, цивилизираните Македонци на цивилизиран и достоинствен начин таму каде што ни е местото, а тоа е во Европа, ќе почекаме за кога ќе дојдат

Мицкоски пред почетокот на собирот пред Владата: Македонскиот идентитет пред и над сѐ

Лидерот на опозицијата ВМРО-ДПМНЕ, Христијан Мицкоски пред почетокот на сенародниот...

Модератори на Отвореното студио се: Марија Митева портпарол и член на ИК на ВМРО-ДПМНЕ, Димче Арсовски портпарол и Наум Стоилковски портпарол.

ВМРО-ДПМНЕ го почна протестот со отворено студио од пред владата

Опозициската партија ВМРО-ДПМНЕ, попладнево го почна протестот под мотото „Премногу...