Додека Таче се плаши да оди на избори, Вучиќ нема проблем со тоа

Објавил: Македонка Димкин | 6 септември, 2023 8:11

Во Србија речиси сигурно вонредни избори во декември

Фото/Текст извор: ©Н1

Претседателот на Србија и неодамнешен лидер на Српската напредна странка (СНС) Александар Вучиќ донел одлука вонредните парламентарни избори да се одржат во декември, тврди за порталот Н1 извор близок до раководството на СНС, кој наведува дека тој информацијата за тоа ја доби еден ден пред проевропската опозицијата да изрази барање до крајот на годинава да се одржат нови парламентарни и избори за градот Белград, јави дописникот на МИА од Белград.

Раководството на СНС веќе има одржано средби со членови на повеќе локални партиски одбори на кои тема била подготовката за претстојните избори, изјавил неименуваниот извор на Н1, пренесуваат и други српски медиуми.

Според неговите зборови, во владејачката СНС во моментов се вршат независни испитувања на јавното мислење за тоа како стои партијата на национално, но и на локално ниво.

-Не е исклучено во истиот период да се одржат и локални избори во одредени градови и општини за кои СНС проценува дека ќе победи, а можеби и во сите. За ова ќе се одлучува во наредните денови, бидејќи има уште доволно време за запазување на законските рокови за одржување на вонредни локални избори до крајот на годината, додаде соговорникот на порталот Н1.

Денес проевропската опозиција по осумнаесетте протести на Србија против насилството и по одржаниот состанок, на прес-конференција во собранието побара од властите одржување на итни парламентарни и белградски избори до крајот на оваа година. Тие најавија блокада на седниците на собранието до добивање одговор од властите и најавија нов протест „Србија против насилството“ во петок, до ТВ Пинк.

На барањата и блокадата на проевропската опозиција се придружи и десницата, изјави лидерот на Двери, Бошко Обрадовиќ.

Претседателот на собранието Владимир Орлиќ на прес-конференција и одговори на проевропскиот дел од опозицијата дека „со ентузијазам ја прифаќа иницијативата за распишување вонредни парламентарни и белградски избори, дека за тоа барање ќе ги извести надлежните органи – Владата на Србија, претседателот и да ќе добијат одговор во најкраток можен рок, можеби за 30 дена“.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Балкан

Нема мртви и повредени на сплавот „Картел“, кој почна да тоне нешто по полноќ кога на него се наоѓаа стотина млади луѓе, изјави началникот на Секторот за вонредни состојби во Србија, Лука Чаушиќ.

Потона сплав во Белград на него немало Македонци!

Потона сплавот „Картел“ на кејот Сава во Белград, додека на него се забавувале стотина...

Доктор Бранимир Несторовиќ, кој беше носител на листата „Д-р Бранимир Несторовиќ – Ние, гласот на народот“, очигледно ќе биде тој што ќе одлучи кој ќе коалицира во Белград.

Бранимир Несторовиќ, најголемото изненадување на изборите во Србија

Доктор Бранимир Несторовиќ, кој беше носител на листата „Д-р Бранимир Несторовиќ –...