Претседателот на Чиле, Себастијан Пинера, прогласи вонредна состојба во главниот град Сантијаго после нередите.

 Демонстрантите вчера подметнале оган во неколку метро станици, краделе по продавници и запалиле автобус од јавниот превоз, пренесува „Ројтерс“. Запалени се многу згради во центарот на градот и градското метро е блокирано.

Во знак на протест против растот на цените на јавниот превоз, затворени се 136 метро станици и прекинат е сообраќајот на должина од околу 150 километри.

Чилеанскиот претседател, Себастијан Пинера, прогласи вонредна состојба во Сантијаго откако синоќа избувнаа немири, во кои една зграда беше запалена, а метрото беше блокирано.

Во своето обраќање Пинера рече дека прогласува вонредна состојба во две провинции и две општини во поширокиот регион на Сантијаго, заради сериозни напади на метрото, напади врз јавен и приватен имот.