Во 180 градови во Иран, иранската влада одобри повторно отворање на вратите на џамиите а со тоа и одобрување на верските собирања. Ваквата одлука е донесена откако владата на Иран процени дека е намален ризикот од ширење на коронавирусот. Во Иран дневниот број на нови случаи постојано опаѓа.

Како што пренесоа Британските медиуми собирите на верниците во џамиите низ Техеран и неколку други поголеми градови , сè уште се забранети.

Пред неколку дена властите во Техеран го дозволија меѓуградскиот јавен транспорт и работењето на трговските центри. Ваквата одлука беше донесена за што побрзо заживување на иранската економија, но и од американските санкции, иако медицинските експерти предупредуваат за можен втор бран на инфекцијата.

Денеска Кијануза Џанханпур претставникот на иранското Министерство за здравство соопшти дека вкупниот број потврдени случаи на Ковид-19 е 104.691, и дека до сега од коронавирусот во Иран починаа вкупно 6.541 лица , и со тоа Иран стана држава која е на првото место по бројот на смртни случаи на Блискиот исток.

-Ситуацијата останува алармантна во југозападната провинција Кузстан и во главниот град Техеран, рече Џаханпур.180