Еу за некого Мајка а за некого Маќеа

Објавил: Македонка Димкин | 22 октомври, 2023 9:11

Вработените во ЕУ испратија писмо до Урсула фон дер Лајен: Ако војната не престане, тие ќе умрат од глад!

Фото/Текст извор: ©Магазин

Вкупно 798 вработени во институциите на ЕУ во штабовите и делегациите испратија заедничко писмо до претседателката на Европската комисија, Урсула фон дер Лајен, во кое најостро ги осудуваат актуелните настани во Појасот Газа и страдањата на цивилите.

Од една страна, велат тие, го осудуваат терористичкиот напад на Хамас врз беспомошните цивили, загубата на невини животи и земање заложници.

Од друга страна, посочуваат, подеднакво силно ја осудуваат несоодветната реакција на Израелците насочени кон 2,3 милиони палестински цивили заробени во Појасот Газа, што многумина го сметаат за воено злосторство.

Значењето на ова писмо упатено до Урсула фон дер Лајен е всушност силен протест против фактот дека Европа, на некој начин, застана на страната на Израел, што можеше да се види преку, на пример, поставувањето израелски знамиња на фасадите на зградите на некои официјални институции на Европската комисија.

Истовремено, посочуваат потписниците на писмото, истата ЕК, која зазема една страна, повикува на почитување на меѓународното хуманитарно право.

Вработените кои го испратија писмото сметаат дека ЕК во последните денови е премногу рамнодушна кон масакрот врз цивилите во Појасот Газа, односно кон настаните кои се буквално шокантни. Затоа што Газа е целосно отсечена, а ниту капка вода, ниту зрно пченица не може да стигне до луѓето. Сето ова, истакнуваат работниците кои го напишаа писмото, создава невидена хуманитарна криза која е продолжение на 17-годишната опсада на Газа.

„Ако војната не престане веднаш, цивилното население, доколку го преживее бомбардирањето, ќе умре од глад. Тажни сме поради шоуто на двојни стандарди, кое руската блокада на Украина ја смета за чин на терор, а во исто време подеднакво сличен чин на Израел против народот во Газа е целосно игнориран“, се наведува во писмото.

Во исто време, потписниците на писмото нагласуваат дека во овие критични моменти очекувале повеќе од институциите претставени од претседателката Урсула фон дер Лајен и дека таа требало посилно да инсистира на основните принципи на мирот, правдата и човековите права, додека цврсто стојат против нивните прекршувања.

– Би биле горди доколку Европската Унија, светилникот на демократијата, човековите права и владеењето на правото и добитник на Нобеловата награда за мир во 2012 година, повика на итен прекин на непријателствата и неселективно насилство врз цивилите. Или дека Европската унија го искористи целиот опсег на дипломатски средства со кои располага за да ги вклучи завојуваните страни во дијалог за безбедно враќање дома на Израелците кои се држат како заложници и за укинување на опсадата на Газа – велат потписници на писмото, барајќи од претседателката на ЕК да ја искористи својата позиција за да помогне да се стави крај на злосторствата.

 

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Вести

Шредер е критикуван во Германија бидејќи и по почетокот на специјалната операција на руската армија во Украина, тој продолжи да одржува контакти со Русија.

Крим е дел од историјата на Русија, Украина нема што да бара во НАТО, тврди Шрoдер!

Поранешниот германски канцелар Герхард Шредер во интервју за „Велт“ зборуваше за...