Ќе има и локални послаби врнежи од дожд на ниските и снег на повисоките места и на планините.

Објавил: Стојче Бушин | 26 март, 2020 8:49

ВРЕМЕТО ДЕНЕСКА: Врнежи од дожд и снег во земјава!

Фото/Текст извор: ©Магазин

До крајот на денов кај нас ќе се задржи претежно облачно време. Ќе има и локални послаби врнежи од дожд на ниските и снег на повисоките места и на планините.

Ќе дува слаб до умерен ветер претежно од источен правец, истиот повремено на некои места ќе засилува. Максималните дневни температури на воздухот ќе се искачуваат во интервалот од 3 до 10 степени.

Во Скопје и околината времето ќе биде претежно облачно а ќе има услови и за слаби локални врнежи претежно од дожд. Максималната дневна температура ќе се искачи до околу 6 степени.

Во следните неколку денови ќе се задржи претежно облачно време.

На повеќе места ќе има повремени врнежи од дожд и локално врнежите ќе бидат нешто поинтензивни, особено во јужните и во југоисточните предели.

На планините врнежите ќе бидат од снег. Максималните дневни температури и натаму ќе бележат тенденција на постепен пораст и ќе се искачуваат во интервалот од 7 до 15 степени.

Подготви: Славчо Попоски

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Време