Српскиот претседател Александар Вучиќ изјави денеска дека е во секојдневен контакт со лекарите и дека ако добие некаков симптом ќе биде тестиран на вирусот корона.

 Одговарајќи на прашањата на новинарите во Ниш, Вучиќ рече дека смета дека е важно да се известат луѓето дека неговиот син Данило е заразен од корона вирус и се надева дека наскоро ќе „оди на Саемот“, а потоа да си оди дома.

На прашањето на новинарите дали тој бил тестиран, Вучиќ рече:

„Нема проблем, кажете: Ни пречиш што си жив и во ред е, тоа го разбирам. Но немојте да истакнувате контрадикторни работи како аргументи, затоа што ги нема и немојте да ги прашувате лекарите за мене, туку прашајте ме мене.

И немојте да кажувате дека ви е важно да ги слушате лекарите, туку дека доаѓате да ги прашате само зошто Вучиќ е ваков или онаков. Дојдете прашајте ме мене, јас ќе ви одговорам, мене не можете да ме победите со аргументи и факти“, изјави Вучиќ во Ниш. 

На прашањето кога последен пат го виде својот син, Вучиќ рече:

“Го видов син ми, го сакам бескрајно и поради тоа нема да се правдам. Но, јас бев на безбедно растојание”.