„Успеав да направам нешто што никој во Србија досега не успеал да го направи. Јас сум единствениот што победил двапати во првиот круг“, рече вечерва српскиот претседател Александар Вучиќ по првите информации дека убедливо води на изборите во Србија.

„Проценуваме дека на гласање излегле околу 3 840 000 луѓе, што е најголем број луѓе во последно време.

Освен непотребните тензии затоа што некој сакал да направи проблем, во суштина сè поминало во најдобар ред и мир. Претседателските резултати се следни: Здравко Понос доби 17,7 отсто од гласовите, Милош Јовановиќ 5,9, Милица Ѓурѓевиќ 4,5 и Бошко Обрадовиќ 4,4… Јас добив 59,9 отсто“, рече Вучиќ.

„Србија ќе треба да одлучи како и на кој начин ќе функционира во иднина. Што се однесува до партијата што ја водам, не се сомневам дека ќе се разговара за сите политички фактори, бидејќи нè очекуваат тешки времиња. За оние на кои се им е лесно во кампањата, сигурно нема да има место во Владата. Тоа се однесува на Владата на Република Србија и градската власт“.

Тој ги објави и резултатите на СНС за парламентарните избори.

„Имаме попрецизни податоци и избори од Косово и Метохија, најголем дел имаме и од странство. Списокот Заедно можеме се освои 44% од гласовите, листата За обединета Србија 13,6, листата Ивица Дачиќ 11,4, Милош Јовановиќ 5,3, Мора 4,7 и 3,8 Заветници и Двери“, рече Вучиќ и се осврна на резултатите од претседателските избори.