Германскиот министер за внатрешни работи Хорст Сехофер денеска објави дека ограничувањата за влез на граѓаните од т.н. трети земји во Германија ќе важат до крајот на јуни.

Од 15 јуни, Германија ќе ги отвори своите граници со соседите Швајцарија, Австрија, Франција, Италија и Данска.

Од вторник, граѓаните на ЕУ и Швајцарија ќе можат да влезат во Германија без контрола и карантин.

Зехофер објасни дека одлуката за отворање на границите е донесена заради позитивниот развој на трендовите во борбата против вирусот корона.

– Ова повторно ја воспостави слободата на патување во Европа – истакна Зехофер на прес-конференцијата.

Укинувањето на контролите на границата со Австрија, Швајцарија, Франција, Данска и Италија е планирано за 15 јуни, додека слободата на патување важи за патниците од Шпанија од 21 јуни. 

Ограничувањата за влез на граѓаните од таканаречените трети земји ќе важат до крајот на јуни, изјави Зехофер.
Тој додаде дека сè уште не е познато кога ќе се донесе одлука за олабавување на мерките против тие граѓани.

– Засега постојните правила за патниците кои не се членки на ЕУ ќе бидат продолжени до крајот на јуни – рече Зехофер и додаде дека предупредувањето за патување на германските граѓани во земји кои не се дел од ЕУ или Шенген зоната ќе важи до 31 август.

– Ако ситуацијата со вирусот корона се влоши, повторно ќе се справиме со овие работи – рече тој.