Амбасадоре Жбогар, луѓето во Македонија се вознемирени и згрозени од ова шоу, од активностите на неморални ликови што биле славени како успешни, а се занимавале со рекетирање и перење пари. Лути се и поради индолентноста на меѓународната заедница, кои молчеле за индициите дека пред нивниот нос се случува страшен криминал.

Објавил: Данаил Михајловски | 27 август, 2019 16:17

Героски со шлаканица за Жбогар: Изборот на Катица беше ријалити шоу!

Фото/Текст извор: ©магазин

Амбасадорот Жбогар вчера изјави дека некои домашни и странски медиуми ја претвориле аферата “Рекет“ во реалити шоу. Новинарот Героски, кој заедно со италијанскиот весник Ла Верита, беше еден од оние кои ја обзнанија оваа афера кон јавноста, му возврати со силна критика на амбасадорот, порачувајќи му дека вистинското ријалити шоу во Македонија почнало со изборот на Катица Јанева за шефица на СЈО, иако имала низок просек на правниот факултет, а нејзините колешки обвинителки се понашале како естрадни ѕвезди со селфиња на инстаграм со сите естрадни фаци и функционери во државава. 

Ваша екселенцијо, амбасадоре Самуел Жбогар, веројатно и самите немате претстава колку сте во право што аферата „Рекет“ ја нарековте едно големо ријалити шоу. Ве уверувам дека луѓето во Македонија, како и Вие, се мошне загрижени, но уште повеќе, се и згрозени од ова што ни се случува. Можеби за ЕУ, чиј претставник сте Вие, справувањето со овој скандал нема да стане бенчмарк за почетокот на пристапните преговори што сите желно ги очекуваме, но веројатно сте свесни дека оваа афера е најсериозен тест за волјата и за способноста на оваа власт да се справи со високата корупција.

Сега, кога Катица Јанева е притворена и осомничена за криминал, од Брисел ни стасуваат пораки дека за ЕУ не биле важни личностите, туку биле важни институциите. Демек, не била важна Јанева, било важно СЈО. Навистина? Ако е така, можете ли да ни објасните врз основа на што токму госпоѓа Катица Јанева, во 2017 година, од словенечкиот институт ИФИМЕС, доби признание за „најдобар обвинител на Балканот“?

Кога веќе спомнувате ријалити шоу, а патем речено го именувате и со добро познатиот бренд „Биг брадер“, би се осмелил да Ви укажам дека се потребни неколку појаснувања на Вашата изјава. Таа духовита опаска за името на ова наше ријалити шоу веројатно произлегува од аналогијата со учеството на еден од главните актери на аферата, осомничениот Боки 13, во истоименското српско телевизиско шоу „Велики брат“. Сега е редно да кажеме дека вистинското ријалити шоу во Македонија, амбасадоре Жбогар, почна со изборот на Катица Јанева за шефица на Специјалното јавно обвинителство, институцијата што доби огромна домашна и меѓународна поддршка, логистика и буџет, за да го обели валканиот образ на македонското правосудство. Во тоа време, бевме малкумина кои предупредивме дека изборот на Јанева, со нејзиниот скромен просек на Правниот факултет во Скопје, со нејзиното скромно искуство во правосудството и со нејзината паланечка појавност, беше силен удар под појас за многу македонски судии, обвинители, адвокати и угледни правници, кои можеа да бидат избрани на нејзината позиција. Се сеќавам на потсмешливите белешки со кои го коментиравме протестот на професорот Гордан Калајџиев, на пример. Јас, иако за Катица имам лошо мислење од првиот ден, до ден денешен се срамам поради тоа што тогаш професорот Калајџиев го осудивме за малициозност и за повредена суета.

Амбасадoре Жбогар, ова се случува во нашата земја во време кога некој од државниот врв мора да бил запознаен со бекграундот на осомничениот Бојан Јовановски, со неговото досие за судски спорови за измами, со фактот дека човекот нема ни трансакциска сметка, но и со неговите нови рекетарски подвизи, кои во времето кога е снимена оваа снимка веќе земаат голем замав, а видни личности од СДСМ, ако ништо друго, се информирани за тие активности. Некои и ги овозможуваат!

Првиот јавен настап на Јанева, во свадбарска чипка и со свадбарски говор, беше само првата секвенца на големото ријалити шоу, кое го опфати целото СЈО. Челните фаци преку ноќ станаа естрадни фаци, дел од скопскиот џет сет, ѕвезди за позирање за селфи фотки за Фејсбук и Инстаграм. Зошто сето тоа не Ви изгледаше барем малку сомнително и неприкладно, амбасадоре Жбогар? Можно ли е такво нешто да се случи во Вашата прекрасна Словенија? И дали до Вас не допираа гласините дека во бекстејџот на тоа наше ријалити шоу, всушност, се одвива погубен процес на одлевање на „бомбите“ на Заев и нивна опасна злоупотреба?

Помогнете ни, Ваша екселенцијо, амбасадоре Жбогар, ама на тој начин што заедно со нас ќе барате брза, ефикасна и сеопфатна истрага, како и политичка одговорност за аферата „Рекет“. А не и Вие да заговарате скандалот да се релативизира и да се бара одговорност кај сите, само не кај луѓето кои се најодговорни за состојбите во земјата. Тоа не е баш европски и би можело да значи вовед во едно ново ријалити шоу, чиј наслов би можело да биде „1984“.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Колумна

Деновиве слушнавме делови, само делови, од легално снимани разговори преку ПИ полициски мерки на Зоран Заев, градоначалник на неговата приватна Струмица во кои убаво, детално објаснува како примал по 100-200.000 евра поткуп од струмички бизнисмени на рака пошто така било најпрактично, иако можело и на трансакциска или кај баце Вице во менувачница.

Ебаму името, ебаму- очигледно, Северна и Тиранската платформа се добро наплатени

Кога новиот, технички министер за внатрешни Наќе Чулев, го назначи Ристо Ставревски...

Да биде полошо од тоа, елитната институција што требаше да биде spiritius movens на едно такво разбирање на концептот „правда и мир“ (СЈО), се покажа како легло на криминалот и на корупцијата.

ГЕРОСКИ: Срамниот процес на лустрација, спроведен во владеењето на Груевски мора да се поништи

Сѐ додека не сфатиме дека правото е систем на јасно дефинирани и цврсто кодирани правила...

Зоран Заев не е веќе премиер, и никогаш повеќе нема да биде. Кулата од корупција му се распаѓа. Бидејќи бев дома за празниците имав две средби со некои доскора блиски до Фамилијата кои со душа ми објаснуваа дека не сакале, ама морале да соработуваат и прават работи кои по своја воља не би ги правеле.

ЛАТАС: ДРУЖЕ ЗАЕВ, цела фамилија ве решава со едно пушење џоинт

Кој мисли дека Фамилијата на З.З. ќе пропушти да земе барем 50 од 188 милиони измислена...

Не се лутам никому, но не им заборавам на ороводците на тој пуч. Особено не на нарачателот. Сакам јасно да им порачам дека на никого од тие што мислеле дека ми “давале” слобода, не му должам ништо. Тие што вложија пари, се офајдија Тие што вложија труд заедно со мене, ене ги работат и имаат високи плати, кои лично јас ги “избоксував”. Тие што ме поддржуваа морално и политички, печалеа и ене ги на власт, среќни и задоволни, си ги товарат камилите.

ГЕРОСКИ ДОБИВА СМРТНИ ЗАКАНИ: Сам си ја земам слободата, џабе ми се закануваат со банкини и опасни свиоци

Никогаш не сум бил толку често и толку бедно клеветен и навредуван како овие три години....