На денешната прес-конференција премиерот на државата Зоран Заев рече дека правните субјекти кои оваа година нема да остварат добивка нема да треба да исплатат К-15 на своите вработени.

Тој потсети дека ова важи за оние кои претрпеле загуба како последица од пандемијата предизвикана од Ковид 19, и ги повика сите оние кои ќе остварат добивка, согласно закон и колективен договор да исплатат К-15 и други издатоци.

Заев апелираше до компаниите кои годинава не оствариле добивка, но имаат финансиска моќ да исплатат К-15 на вработените.

Законите и колективните договори се јасни и треба да се почитуваат до крај, а тие даваат бафер каде може флексибилно да се дејствува во делот на исплата на К-15. Оние правни субјекти кои нема да остварат добивка немаат обврска да исплатат К-15 и други издатоци. Таму каде ќе остварат добивка се должни да го почитуваат законот и колективниот договор. Така што голем дел од компаниите оваа година нема да покажат добивка и тоа на нас ни е јасно и затоа аконтациите на данок на добивка се одложуваат и таму согласно законот го имаат и баферот да не се исплати К-15. Но апелираме дури и оние фирми што оваа година нема да покажат добивка, а имаат финснсиски резервоари создадени од претходни години и финансиска моќ да исплатат К-15 заради тоа што тоа е поддршка кон нивните работници, поддршка на граѓаните, а за економијата значи зголемена потрошувачка моќ, рече Заев одговорајќи на новинарско прашање на денешната прес-конференција.