Едно лице почина во тетовската болница каде било донесено со тешки повреди здобиени во сообраќајна несреќа.

Несреќата се случи утрово околу 9 часот на регионалниот пат Маврови Анови-Дебар, во близина на месноста „Манастирски ливади”, информираа од СВР Тетово.

Од непознати причини дошло до судар на возило „голф” со скопски регистерски ознаки што го управувал С.Р. (74) и „мерцедес” со тетовски ознаки што го управувал Л.Р. (72) од Горно Палчиште.

Возачот на „голфот“ со сериозни повреди бил пренесен, во гостиварската болница, а потоа во тетовската, каде околу 13 часот им подлегнал на повредите.
Извршен е увид на местото настанот и се работи на причините кои довеле до несреќата.

Од СВР Тетово упатуваат апел до возачите да бидат повнимателни во утринските часови заради појава на магла и одрони по клисурите.