17 лица загинаа денеска откако се урна авион на пакистанската армија во станбен реон во градот Равалпинди, јавува Ројтерес.

Според неофицијални информации меѓу загинатите се двајца пилоти, тројца членови на екипажот и 10 цивили. Дванаесет луѓе се повредени.

Откако се срушил авионот во реонот на трговскиот комплекс „Раби центар“ избувнал голем пожар што зафатил и неколку куќи. Авионот извршувал тренинг-лет и засега причината за уривањето е непозната. Во текот на денот се очекуваат детални информации за несреќата.

Пакистан е сојузна држава составена од 4 покраини, престолнинската територија и од племенските територии на СЗ.

На чело на покраините се наоѓаат управници, кои ги именува претседателот на републиката. Покраините имаат сопствена законодавна (на општи избори избран еднодомен покраински парламент) и извршна власт. Племенските области се под непосредна управа на сојузната влада, но одделни племенски заедници имаат голема самоуправа. Под непосредна управа на сојузната влада се наоѓаат и т.н Северни територии (Гилгит, Дијамар и Балтистан).