Во Калифорнија е во тек голема операција за спасување и евакуација за луѓето кои се најдоа заробени во шумски пожарен терен.

Според Би-Би-Си, десетици луѓе биле евакуирани со воени хеликоптери од областа Мамутов извор, 60 километри северозападно од Фресно.

Според властите, не е познато точно колку луѓе биле заробени во пожарот, но хеликоптерите се враќаат за да ги евакуираат сите загрозени.

Досега се регистрирани две лица со сериозни повреди и 10 со полесни.

Огнот се шири брзо, а според ЛА Тајмс, пожарот зафатил околу 5.000 хектари шума.

Локалната противпожарна служба објави дека досега 63 лица се евакуирани со воени хеликоптери и дека не е познато уште колку се загрозени и чекаат да бидат спасени.