Новиот земјотрес беше почувствуван вчера околу 18:40 часот во централна Хрватска, пренесува порталот Индекс.

Според ЕМСЦ, јачината на земјотресот била 3,5 степени според Рихтеровата скала.

Порталот додава дека земјотресот бил почувствуван во областа Сисак и Петриња, а нешто послаб во Загреб и дека траел неколку секунди.

На 28 декември силен земјотрес со интензитет од 6,3 степени по Рихтеровата скала ја погоди Хрватска, 15 минути по 12 часот напладне.

Епицентарот беше на 45 км југоисточно од Загреб, во близина на Петриње, каде се јавува за материјални штети, a земјотресот бил почуствуван речиси во цела Хрватска. Имаше повредени и загинати лица!

Градоначалникот  Даринко Думбовиќ рече дека половина град е уништен и побара итна помош да биде испратена во Петриње.

„Извлекуваме луѓе од автомобилот, не знаеме бидејќи имаме загинати и повредени, слушнав и дека се урна градинката, но за среќа немаше деца во градинката, додека други деца се спсени од другата градинка. Владее општа паника, луѓето бараат свои под урнатините“, додаде тој, повикувајќи секој што може да помогне на Петриња, особено професионалните пожарникари и армијата.

Вознемиреност има и кај жителите на главниот град Загреб.