Првиот вицепремиер Артан Груби вели дека комуницираат со сите партии од опозицискиот блок, со исклучок на Левица - децидни се дека нема ни да стапат во контакт со партијата на Апасиев.

Објавил: Рејхан Бајрами | 14 ноември, 2021 17:50

ГРУБИ: ЗА МНОЗИНСТВО СЕ ПРЕГОВАРА СО СИТЕ, ОСВЕН СО ЛЕВИЦА

Фото/Текст извор: ©24.мк/магазин

Владејачките коалиционери, оптимисти – ќе го шират владејачкото мнозинство. Ширум отворени порти поставија за пратениците кои ги делат интересите на Владата и нејзините партнери – да им се приклучат на мнозинството. 

Првиот вицепремиер Артан Груби вели дека комуницираат со сите партии од опозицискиот блок, со исклучок на Левица – децидни се дека нема ни да стапат во контакт со партијата на Апасиев.

„Ова парламентарно мнозинство, оваа Влада опстои и шансата да се добие датум за отпочнување на преговори на 14 декември веќе е реална. Сметам дека парламентарното мнозинство и пратениците кои поддржуваат евроатлантска Северна Македонија ќе расте и убеден сум дека во деновите пред нас и други пратеници ќе се придружат на ова парламентарно мнозинство кое ќе расте и ќе опстои за да ја спроведе програмата што ја поддржаа граѓаните на парламентарните избори“ – рече Груби.

Сепак, оптимизмот се уште не е е на цврсти нозе.

Лидерот на Алтернатива, Африм Гаши денеска за ТВ24 вели дека се уште не водат никакви преговори за приклучување во Владата, засега остануваат во опозиција. 

Партијата на Гаши брои четири пратеници и на неа се смета за зајакнување на мнозинството. Од БЕСА пак бараат СДСМ и ДУИ да престанат со притисоци врз нивните пратеници.

И додека траат преговорите со пратеници, оставката на Зоран Заев главна тема кај политичките опоненти СДСМ – ВМРО-ДПМНЕ.

Од опозицијата предвидуваат уште побрз пад на Владата доколку се одложуваат оставките.

Оставките се само одложени дури не се стабилизира состојбата во земјава – тврдат од СДСМ.

Голем број прашања чекаат одговори, а во игра неколку сценарија. Премиерот Зоран Заев ја најави оставката но се уште ја нема депонирано. Коалицискиот партнер ДУИ пак најавија дека со екипирање на владејачкото мнозинство планираат да владеат во следните две ипол години. 

Од ВМРО-ДПМНЕ пак решението за политичката состојба во земјава се само предвремени парламентарни избори.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.

Останати вести од Политика

Координаторот на пратеничката група на Демократската Унија за Интеграција, Арбер Адеми во својот говор на денешната собраниска седница за избор на Влада на Република Македонија истакна дека цело ДУИ и сите граѓани ја поддржуваат новата предложена структура на владата и нејзината програма.

Адеми ги истакна и преземените мерки и досега реализираните проекти кои ја оправдаа довербата дадена во Август 2020 година и дека пратениците на ДУИ целосно веруваат во професионалната компетентност на одредените кадри и на квалитетот на содржината на програмата надополнета со проекти и дополнителни стратегии.

Во продолжение целосниот говор на координаторот на пратеничката група на ДУИ, Арбер Адеми:

Еве сме денес, пред една многу важна одлука за нашите граѓани, за нашата земја и за иднината на сите нас.

Денеска одлучуваме дали ќе дадеме зелено светло за континуитетот на развојните проекти и проектите на квалитетниот живот, јасно дефинираните механизми и стратегии за да продолжиме успешно да се справуваме со енергетската, здравствената и мигрантската криза како глобални предизвици на денешницата.

Наоѓајќи се во ваква ситуација на предизвици и кога на хоризонтот го имаме патот кон Европската Унија како прогресивна перспектива без друга алтернатива, денес почитувани колеги, време е да ја докажеме нашата политичка зрелост, да дадеме свој придонес за да се овозможи стабилност и конзистентност во процесот на одлучување во служба на граѓаните и поголемата развојна перспектива.

Пред нас е една дополнета програма, една јасна визија за развој на парламентарно мнозинство кое го има целосниот легитимитет на народот од изборите во Јули 2020 година и гледајќи ја нејзината досегашна работа, ние како членови на парламентарното мнозинство денес рефлектираме за нејзиниот досегашен биланс, констатираме дека достигнувањата и реализираните проекти досега се јасно видливи и со право ја имаа нашата поддршка досега.

Истата поддршка пратеничката група на Демократската Унија за Интеграција ја дава и на овој владин состав и на оваа консолидирана програма за работа, целосно верувајќи во професионалната компетентност на одредените кадри и од своите и од редовите на коалициските партнери, како и во квалитетот на содржината на програмата што е одраз на барањата и потребите на граѓаните.

Владата на која и дадовме доверба во Август 2020 година од оваа собраниска сала, го отвори патот за реализација на најголемиот инфраструктурен проект на Коридорот 8 за кој беше потпишан договор со познатата компанија Бехтел - Енка и исправноста на Законот за кој заедно гласавме овде, го потврди и Уставниот Суд, со што веќе се овозможи дефинирање на периодот за почеток на работниот процес во летото оваа година.

Беше токму оваа Влада која ја заврши постапката за експропријација на имотите на патот Скопје - Блаце и денеска продолжува да го гради "Патот на Арбер". Целосно го поддржуваме железничкото поврзување долж Коридорот 8 и потсетуваме дека енергетската врска помеѓу Битола и Елбасан е во тек.

Шар Планина е прогласена за национален парк, општините беа максимално поддржани со обезбедување средства за реализација на локални проекти, за отворени спортски сали во основните училишта, за основното училиште во Мала Речица, а започнаа работите и за училиштата во Визбегово и Блаце, заедно со градинките во Чаир, Сарај и Липково.

Оваа Влада го реализираше и систематизирањето на административците заедно со нивното унапредување со признавање на степенот на образовната квалификација.

Она што е карактеристично за оваа Влада е несомнено нејзината способност да ги откочи и реализира повеќегодишните заборавени процеси во лавиринтите на времето, но многу важни за иднината на државата.

Адеми: Цело ДУИ и граѓаните ја поддржуваат Владата

Денеска одлучуваме дали ќе дадеме зелено светло за континуитетот на развојните проекти...

Нагласува дека нечиј интерес и во земјата и надвор од неа е тој да не биде дел од владата, но и да не биде дома, поради што, како што истакна, добил понуда за амбасадорско место што го одбил.

Димитров: Ми понудија амбасадорско место само да ме нема во политиката

Вицепремиерот задолжен за европски прашања Никола Димитров вели дека не се повлекол...